Abaqaı qorymy qaıta jańǵyrtylyp, týrıstik orynǵa aınalady
KÓKShETAÝ. KAZINFORM — Arheologııalyq zertteýler nátıjesinde anyqtalǵan jańa nysandar men týrıstik marshrýttar óńirdiń baı murasyn tereńirek tanytýǵa múmkindik beredi.
Ótken men búgindi jalǵaıtyn kıeli oryndar týrısterge erekshe áser syılap, týǵan jer tarıhyn jańasha qyrynan ashpaq.
— Bul — Abaqaı qorymy. Býrabaıdyń tarıhı murasy óte tereń. Aqmola oblysynyń ákimi Marat Muratuly Ahmetjanov Býrabaı qorynyń tarıhyna asa nazar aýdarady. Ákimniń tapsyrmasy boıynsha, Abaqaı qorymynda arheologııalyq qazbalar ótkizilgen 2024 jyly. Endi osy qorymdy biz arheologtarmen zerttep, bul — saq dáýiriniń ǵıbadathanasy (b.z.b. VIII–III ǵasyrlar). Bul — saq dáýiriniń erekshe bir orny, Býrabaı qorynyń kóne tarıhy bar jer ekeniniń dáleli, — dedi Aqmola oblysy ákiminiń orynbasary Ernar Jarkeshov.
Onyń aıtýynsha Býrabaı qorynyń basqa jerlerinde birneshe qorǵan tabylǵan.
— Biz, Aqmola oblysynyń ákimdigi, osy jerdegi arheologtarmen, zııaly qaýymmen, tarıhshylarmen jáne memlekettik organdarmen birge osy Býrabaı qorynyń sheńberinde tarıhı murasy mol bólek týrıstik massıv qurdyq. Osy jyly biz ony iske qosamyz. Osy Abaqaı qorymynda endi sol saq dáýiriniń qorymy buryn qalaı bolsa, jergilikti bıznesmendermen birge, ınvestorlardyń qarjysymen dızaınyn, bárin kelisip qaıtdana quramyz, — dedi ol.
