#Abai175: Olga Rypakova Abaı shyǵarmasyn oqydy

NUR-SULTAN. QazAqparat – Uly aqyn Abaıdyń 175 jyldyǵyna arnalǵan chellendj jalǵasýda. Aqynnyń óleńderiniń birin 2012 jyly Londonda ótken Olımpıada chempıony, áıgili jeńil atlet Olga Rypakova oqydy, dep habarlaıdy QazAqparat.

Tanymal sportshy estefetany Shyǵys Qazaqstan oblysy ákiminiń orynbasary Núsipova Ásem Bekqyzynan qabyldaǵanyn aıtady.

O.Rypakovanyń Abaı shyǵarmasyn oqyǵan vıdeosy Facebook jelisinde jarııalandy.

Olga Rypakova estafetany Olımpıada chempıony, halyqaralyq dárejedegi sport sheberi, QR Mádenıet jáne sport mınıstrliginiń Sport jáne dene shynyqtyrý komıtetiniń tóraǵasy Serik Sápıevke jáne qazaqstandyq tanymal frıstaılshy, 2018 jylǵy Olımpıadanyń qola júldegeri ıÝlııa Galyshevaǵa joldady.

Aıta keteıik, buǵan deıin QR Prezıdenti Qasym-Jomart Toqaev 9 jastaǵy mektep oqýshysynyń estafetasyn qabyl alyp, ony Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldaǵan edi.