#Abai175: Nurlan Noǵaev Sırııadan oralǵan qazaqstandyqtan estafetany qabyldady

ATYRAÝ. QazAqparat- Aımaq basshysy Nurlan Noǵaev Abaıdyń «Jasymda ǵylym bar dep eskermedim» atty óleńin oqydy, dep habarlaıdy QazAqparat tilshisi.

Uly Abaıdyń 175 jyldyǵyna arnalǵan estafetany Nurlan Noǵaevqa Qazaq ulttyq óner ýnıversıtetiniń 6-synyp oqýshysy Medeıa Danııarqyzy, Sırııadan oralǵan qazaqstandyq Baljan Abdrahmanova, «Aq Jaıyq» gazetiniń dırektory Aınur Saparova, atyraýlyq №18 mekteptiń 9 – synyp oqýshysy Nurlybekov Nurasyl, sondaı–aq, kıno rejısseri Talǵat Temenov pen dırıjer Baýyrjan Aqtaev joldaǵan bolatyn.

Atyraý oblysynyń ákimi Abaıdyń «Jasymda ǵylym bar dep eskermedim» atty shyǵarmasyn oqyp, estafetany professor Ǵarıfolla Esimge jəne jazýshy Rollan Seısenbaevqa, ekonomıka ǵylymdarynyń doktory Eleýsin Saǵyndyqovqa joldady.

Eske salsaq, QR Prezıdenti Qasym-Jomart Toqaev 9 jastaǵy mektep oqýshysynyń estafetasyn qabyl alyp, ony Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldaǵan edi.