#Abai175: Qazaqstannyń Ózbekstandaǵy elshisi poetıkalyq chellendjdi qabyl aldy

TAShKENT. QazAqparat – Ózbekstandaǵy QR elshisi Darhan Satybaldy Abaı shyǵarmashylyǵyna arnalǵan estafetaǵa qatysty, dep habarlaıdy «QazAqparat» HAA menshikti tilshisi.

Qazaqtyń uly aqyny Abaıdyń 175 jyldyǵyna arnalǵan chellendjdi qazaqstandyq dıplomat Ózbekstan Olıı Majlısi Zań shyǵarý palatasynyń spıkeri Nýrdınjon Ismoılovtan aldy. Ol óz kezeginde estafetany qazaqstandyq áriptesi QR Parlamenti Májilisiniń tóraǵasy Nurlan Nyǵmatýlınnen qabyldaǵan bolatyn.

Qazaqstan elshisi Abaıdyń «Nurly aspanǵa tyrysyp óskensiń sen» atty óleńin qazaq tilinde oqydy. Jáne poetıkalyq estafetany Ózbekstan Jazýshylar odaǵy tóraǵasynyń birinshi orynbasary Mınhojıddın Hojımatovqa, sondaı-aq qazaqstandyq senator Murat Bahtııarulyna joldady.

Avtory: Mıras Qýandyqov