Abai175: Djekı Chan Abaı óleńin jatqa oqyp, fleshmobqa ún qosty
«Men Qazaqstan Prezıdenti bastaǵan poetıkalyq chellendjdi dosym Erlan Qarınnen qabyl aldym», - deıdi Djekı Chan.
Ol Abaıdyń «Jelsiz túnde jaryq aı» atty óleńin mánerlep oqyp berdi.
Erlan Qarın men Djekı Chan bıyl sáýir aıynda kezdesken bolatyn. Ol kezde akter Sırııadaǵy qazaqstandyqtardy qutqarý týraly derekti fılmdi tamashalaǵan.
Aıta keteıik, buǵan deıin QR Prezıdenti Qasym-Jomart Toqaev 9 jasar mektep oqýshysynyń estafetasyn qabyl alyp, ony Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldaǵan edi.
Osylaısha, poezııa estafetasyn Igor Krýtoı, QR Aqparat jáne qoǵamdyq damý mınıstri Dáýren Abaev, Qazaqstannyń Reseıdegi elshisi Imanǵalı Tasmaǵambetov, Reseıdiń shoý-bıznes ókilderi, Aqtóbeniń ákimi Ońdasyn Orazalın, Qazaqstannyń Halyq ártisi, professor Talǵat Temenov jalǵastyryp áketti.
Uly babany ulyqtaý bastamasyna Ázerbaıjan, Túrkııa, Irak, Tatarstannan nıettes aǵaıynnyń atsalysqany qýantady. Jyr estafetasynyń geografııasynyń keńip, Eýrazııa keńistiginde keń taraýyna ázerbaıjandyq tanymal jýrnalıst Aıda Eıvazova, túrkııalyq Yakup Ömeroğlu úles qosqanyn erekshe atap ótý kerek. Alibaba Group ınternet-korporatsııasynyń negizin qalaýshy, mıllıarder Djek Ma da aqyn óleńin oqyp, fleshmobqa úles qosty.
Búginge deıin chelendj aıasynda 6000-nan astam rolık jazylyp, 10 myńǵa jýyq #Abaı175 nemese #Abai175 heshtegi taraǵan.
Onyń 70,4 paıyzy - Facebook, 15,7 paıyzy - Instagram jelilerinde jaryq kórgen.
