Abaev: «Tumar» televızııalyq báıgesi úshin 214 jumys kelip tústi
Bul týraly Aqparat jáne kommýnıkatsııalar mınıstri Dáýren Abaev Feısbýktegi óziniń paraqshasynda jazdy, dep habarlaıdy QazAqparat.
«Qymbatty dostar, 7 naýryzda «Tumar» televızııalyq syılyǵy úshin ótinishter qabyldaý aıaqtaldy. Buǵan deıin aıtylǵandaı, bul jobanyń maqsaty - jýrnalıster qaýymyn shyǵarmashylyq izdeniske yntalandyryp, osy salanyń damýyna serpin berý. Sonymen, 12 atalym boıynsha elimizdiń túkpir-túkpirinen barlyǵy 214 jumys kelip tústi. Aldaǵy ýaqytta bul jumystar aqparat salasyndaǵy tanymal tulǵalardan quralǵan qazylar alqasynyń irikteýinen ótedi», - dep jazdy mınıstr.
Dáýren Abaevtyń sózine qaraǵanda, «Tumar» televızııalyq syılyǵy úshin marapattaý rásimi 17 naýryzǵa belgilenip otyr.
Eske sala keteıik, Televızııalyq óner salasynda joǵary jetistikteri úshin beriletin «Tumar» Ulttyq televızııalyq júlde telekompanııalar qyzmetkerleriniń, shyǵarmashylyq ujymdardyń, prodıýserlik ortalyqtardyń shyǵarmashylyq áleýetin júzege asyrýǵa, Qazaqstannyń kópultty halqynyń salttaryn saqtaý jáne birligin qalyptastyrýǵa baǵyttalǵan.
17 naýryzda memlekettik organdardyń, respýblıkalyq jáne jergilikti televızııalyq arnalar basshylyǵy ókilderiniń, sheteldik sarapshylardyń, qoǵam qaıratkerleriniń, medııa-tulǵalardyń jáne qazaqstandyq estrada juldyzdarynyń qatysýymen marapattaý rásimi ótedi.
