Abaev: Prezıdent Úkimet jumysyn qaıta formattaýdy tapsyrdy

NUR-SULTAN. QazAqparat –Úkimettiń keńeıtilgen otyrysynda onyń jumysyn qaıta formattaý tapsyryldy. QR Aqparat jáne qoǵamdyq damý mınıstri Dáýren Abaev «Ashyq dıalog» baǵdarlamasynda osyǵan baılanysty suraqqa jaýap berdi, dep habarlaıdy QazAqparat tilshisi.

«Ótken aptanyń sońynda ótken Úkimettiń keńeıtilgen otyrysyna qatysty kópshilik boljam jasady. Siz buǵan qatysty qandaı pikir bildiresiz?» degen suraqqa mınıstr jaýap berdi,

«Ádette mundaı áńgimeler keıin jeke sarapshylardyń paıdasyna sheshilip, jazylýshylar qatary kóbeıedi. Adamdarǵa boljamnyń oryndalǵan-oryndalmaǵany emes, osy protsestiń ózi unaıtyn sııaqty. Biz budan da mańyzdy nárseni umytpaýymyz kerek: eshkim shoý jasamaq bolǵan joq. Kún tártibinde óte mańyzdy suraqtar boldy», - dedi Dáýren Abaev.

Ol Prezıdent ekonomıka, qarjy jáne halyqtyń ál-áýqaty týraly baıandama oqyǵanyn aıtty.

«Prezıdent aıtqan kilt sóz - Úkimetti qaıta formattaý. Ol silkinis kerek ekeni, batyl qadamdar jasaý kerektigi týraly aıtty. Qasym-Jomart Kemeluly bizge jaılylyq aýmaǵynan shyǵý kerek ekenin ashyq aıtty. Ol Úkimet jumysyna qatysty qysqa jáne yńǵaıly jospar qurý týraly tapsyrma berdi. Bul josparlanǵan jáne nátıjeli reformalardy júzege asyrýdaǵy mańyzdy qadam bolady dep oılaımyn», - dedi ol.