Abaev: Óńirlik baspasóz Qazaqstannyń jańǵyrýyna salmaqty úles qosa alady
«Mınıstrlik Memleket basshysynyń tikeleı tapsyrmasymen aımaqtyq mass-medıany sapaly jańa deńgeıde damytý jumystaryn júrgizýge nıetti. Al búgingi shara osy baǵyttaǵy alǵashqy qadam ǵana. Bul nelikten mańyzdy? Óıtkeni, qoǵamda óńirlerdiń, monoqalalardyń, aýdandar men aýyldardyń ózekti problemalaryna qatysty sapaly aqparatqa degen suranys artyp otyr. Baspasóz ár ýaqytta da memlekettik organdardy jaqsy, ashyq jáne tıimdi jumys isteýi úshin qamshylap otyrady», - dedi Abaev.
Mınıstrdiń aıtýynsha, jergilik BAQ barynsha damı túsken saıyn jergilikti bılik deńgeıindegi ózar is-qımyl barynsha jemisti bola túspek. Osy rette ol amerıkalyq zertteý nátıjesin mysalǵa keltirdi. Oǵan sáıkes, jergilikti BAQ aýdıtorııasynyń kólemi saılaýdaǵy daýys berýshilerdiń joǵary kelýine, saılaýaldy ýádelerdiń oryndalýyna jáne tipti kóshelerdiń tazalyǵyna da deńgeıles bolady eken. ıAǵnı, óńirlik baspasózdiń «100 naqty qadam» Ult jospary aıasynda elimizdiń jańǵyrtylýyna zor úles qosýyna múmkindigi bar.
Aıt keteıik, sharaǵa Parlament depýtattary, Prezıdent ákimshiliginiń ókilderi, respýblıkalyq jáne óńirlik BAQ basshylary, jýrnalısteri, ortalyq jáne jergilikti atqarýshy organdardyń ókilderi, Reseıdiń tanymal telejýrnalısteri qatysýda. Úsh sessııamen ótetin forým barysynda qazaqstandyq jýrnalıster men qoǵamdy alańdatatyn ózekti máseleler talqylanýda.
