Abaev ádebı portaldy jańartýdyń sebebin túsindirip berdi

ASTANA. QazAqparat -  QR Aqparat jáne kommýnıkatsııalar mınıstri Dáýren Abaevtyń aıtýynsha, búginde ádebıet salasynda jańa talanttardy taýyp, olardy qalyń oqyrman qaýymǵa tanystyrý jumysyn da nazardan tys qaldyrmaý qajet, dep xabarlaıdy QazAqparat tilshisi.

"Biz jańa aqparattyq texnologııalardy oqyrmannyń ádebıetke qyzyǵýshylyǵyn arttyrýǵa paıdalanýymyz qajet. "Ádebıet portalyn" jańǵyrtý jumystary osy maqsatta júrgizilip otyr. Atalǵan portal bizdiń aqyn-jazýshylarymyz ben qalyń oqyrmannyń ortasyndaǵy altyn kópir ispetti bolýy tıis. Osy kúnge deıingi ádebı muralarymyz osy portalǵa toptastyrylýy qajet. Olardy jınaqtaýmen jumys bitpeıdi. Odan ári ádebı shyǵarmalarǵa oqyrmannyń qyzyǵýshylyǵyn arttyrýdyń jańa tásilderi qarastyrylýy qajet. Sonymen birge jańa talanttardy izdep tabý, olardy oqyrmanǵa tanystyrý isi de nazardan tys qalmaǵany jón", - dedi mınıstr Abaev QazAqparat tilshisine bergen suxbatynda.

Aıta keteıik, búgin Astanadaǵy Nazarbaev ýnıversıtetiniń ǵımaratynda adebietportal.kz - "Ádebıet portalynyń" jańa nusqasy tanystyryldy. Shara barysynda aqparat jáne kommýnıkatsııalar mınıstri Dáýren Abaev ózine unaıtyn óleńdi oqyp berd i.