ÁÁK ushý-taktıkalyq oqý-jattyǵýynyń sheshýshi kezeńi bastaldy
Jaýyngerlik atystardy qamtyǵan oqý-jattyǵýǵa tórt júzden astam áskerı qyzmetshi, jıyrmadan asa ushaq pen tikushaq tartylyp otyr. Avıatsııa jedel áýeaılaǵyna qaıta shoǵyrlandy.
Sheshýshi kezeń barysynda kúndizgi jáne túngi jaǵdaılarda áýedegi jáne jerdegi nysanalar boıynsha «áýe-áýe», «áýe-jer» klasyndaǵy jaýyngerlik basqarylatyn zymyrandar jiberiletin bolady. Zymyrandardy jiberýge tájirıbeli ofıtserlermen qatar jas ushqyshtar da tartylǵan. Sonymen qatar, taktıkalyq eseptoptardy júrgizý men jaýyngerlik qujattardy ázirleýge aıryqsha nazar aýdarylyp otyr.
Áskerı áýe kúshteri basqarý organdarynyń, quramalary men bólimderiniń daıyndyq jospary sheńberinde ótip jatqan oqý-jattyǵýǵa QR QK Áýe qorǵanysy kúshteriniń bas qolbasshysy avıatsııa general-maıory Nurlan Ormanbetov pen QR QK Áýe qorǵanysy kúshteri Áskerı áýe kúshteriniń qolbasshysy polkovnık Dáýren Qosanov jetekshilk jasaýda.
Qazaqstan Áskerı áýe kúshteri TMD memleketteri áýe shabýylyna qarsy birikken júıesiniń quramyna kiredi. Bul ushý quramyna jaýyngerlik tapsyrmalardy oryndaýda úlken jaýapkershilik júkteıdi.