AÁK taǵaıyndaý: Taraz ákimdiginiń qyzmetkeri para aldy dep aıyptaldy

TARAZ. QazAqparat – Taraz qalasy ákimdiginiń Jumyspen qamtý jáne áleýmettik baǵdarlamalar bóliminiń bas mamany para aldy degen kúdikke ilindi, dep habarlaıdy QazAqparat.

«Sybaılas jemqorlyqqa qarsy qyzmet Jambyl oblysy boıynsha Ulttyq qaýipsizdik komıtetimen birlesip, sybaılas jemqorlyq qylmysyn jasady degen kúdikpen Taraz qalasy ákimdiginiń Jumyspen qamtý jáne áleýmettik baǵdarlamalar bóliminiń bas mamanyn áshkereledi. Ol ataýly áleýmettik kómek alýǵa járdemdeskeni úshin turǵynnan 199 500 teńge kóleminde para aldy dep kúdiktelýde. Kúdikti men onyń qorǵaýshysynyń sotqa deıingi tergeýdi jedel ótkizýge ótinishi men kelý týraly jazbasha mindetteme berýine baılanysty, oǵan qatysty protsessýaldyq qamaý qoldanylmady», - dedi QR Sybaılas jemqorlyqqa qarsy qyzmetinen.

Sheneýniktiń kinásiniń deńgeıi týraly túpkilikti sheshimdi sot shyǵaratyn bolady.