AÁK-ke ótinish bergen azamat kiristeri men shyǵystaryn tekserýge kelisim bermek
ASTANA. KAZINFORM – Ataýly áleýmettik kómek transformatsııalanady. Bul jaıynda Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.
- Memleket basshysynyń tapsyrmasyna sáıkes azamattardyń kiristeri men shyǵystary negizinde ataýly áleýmettik kómek kórsetýdi qaıta qaraý boıynsha jumys júrgizilýde. Otbasynyń tsıfrlyq kartasyn memlekettik organdardyń júıelerimen ıntegratsııalaý negizinde ataýly áleýmettik kómek transformatsııasy josparlanǵan. Usynylyp otyrǵan algorıtm ataýly áleýmettik kómek taǵaıyndaýǵa ótinish bergen azamattarǵa olardyń kiristeri men shyǵystaryn tekserýge kelisim alýǵa SMS-habarlama jiberýdi kózdeıdi, - dedi Úkimet basshysynyń jaýabynda.
Onyń atap ótýinshe, tekserýler aqparattyq júıelerdi ıntegratsııalaý esebinen avtomatty túrde júrgiziledi.
- Ataýly áleýmettik kómek taǵaıyndaýdyń jańa tetigi shyn máninde muqtaj adamdardy anyqtap, memleket tarapynan naqty qoldaý kórsetýge múmkindik beretin bolady. Eńbek jáne halyqty áleýmettik qorǵaý mınıstrligi Áleýmettik kodekske tıisti túzetýler ázirledi. Olar múddeli memlekettik organdarmen kelisýden ótýde, - dedi Oljas Bektenov.