AAIFF-2026 jeńimpazy JI salasyndaǵy Qazaqstannyń jetistigin aıtty
ASTANA. KAZINFORM — Astana AI Film Festival jeńimpazdarynyń biri ıtalııalyq avtor ıAkopo Reale óziniń jetistik joly jaıynda aıtyp berdi.
Atap aıtqanda, ol «The Fracture» trıllerindegi rejısserlik jumysy úshin «Úzdik rejıssýra» (Best Direction) nomınatsııasynyń ıegeri atandy. Jasandy ıntellekt týyndysynda ol Animatics, Nano Banana 4i, Kling 3 sııaqty júıelerdi qoldanypty.
— Italııada eki dosymmen birge JI arqyly fılm daıyndaıtyn kompanııa qurdyq. Ózim 15 jyldan astam ýaqyt fılm montajeri bolyp jumys istegenmin. Qazir ózime unaıtyn taqyryptarmen aınalysyp, jasandy ıntellektini qoldanyp júrmin, — dedi ıAkopo Reale.
Sonymen qatar osy baǵytta altynshy fılmin jaryqqa shyǵarǵanyn aıtty. Baıqaýǵa usynylǵan fılminde adam ómirindegi kúrdeli ózgerister baıandalǵan. Onda qalypty jaǵdaıdyń baqylaýdan shyǵyp ketýiniń saldary kórsetilgen.
— Jalpy, bul festıvalden óte keremet áser aldym. Qazaqstanda mundaı marapat alǵanyma óte qýanyshtymyn. Óıtkeni Astana men jalpy Qazaqstanda bul tehnologııanyń qanshalyqty mańyzdy ekenin basqa elderge qaraǵanda óte jaqsy túsinip otyr. Sizder bul salaǵa ınvestıtsııa salyp, jańa baǵyt qalyptastyryp jatyrsyzdar, — dedi rejısser.
Buǵan deıin Memleket basshysy Astana AI Film Festival halyqaralyq kınofestıvalin ashqan edi.
Baıqaýǵa álemniń 125 elinen 8 067 ótinish túsip, ol jasandy ıntellekt kómegimen jasalǵan fılmder arasyndaǵy eń iri halyqaralyq baıqaýlardyń birine aınaldy.
Jasandy ıntellekt kómegimen túsirilgen fılmder festıvali 1-3 qazan aralyǵynda ótti. 3 qazanda marapattaý rásimi ótip, álemniń ár túkpirinen kelgen avtorlar men rejısserler arasyndaǵy halyqaralyq baıqaýdyń jeńimpazdary anyqtaldy.
