AAIFF-2026 jeńimpazy Nıkolaı Shestak: Astanadaǵy baıqaý talantty adamdarǵa tyń múmkindik berdi
ASTANA. KAZINFORM — Astana AI Film Festival jeńimpazy Nıkolaı Shestaktyń (Latvııa) Astanadaǵy halyqaralyq kınofestıvali óziniń ónerin barsha álemge tanytýǵa múmkindik bergenin aıtty.
— Buǵan deıin akter bolǵanmyn. Shamamen tórt jyl buryn rejıssýramen aınalysa bastadym, al eki jyl buryn jasandy ıntellekt kómegimen fılmder jasaýǵa kiristim. Fılmde jaman áreketter adam ómirin qalaısha teris jaǵyna qalaı ózgertetinin kórsettim, — dedi Nıkolaı Shestak Jibek Joly telearnasyna bergen suhbatynda.
Onyń aıtýynsha, bul festıval jaıynda estigennen keıin, oǵan qatysýǵa týraly birden sheshim qabyldaǵan.
— Festıval taqyryby meniń týyndylaryma óte jaqyn boldy. Sondyqtan baıqaýda jeńiske jetýge múmkindik bar ekenin túsindim, — dedi rejısser.
Basty júldeni alǵan rejısser aldaǵy ýaqytta kıno túsirýdi jalǵastyryp, júlde qarjysyn jańa jobalaryna jumsaıtynyn aıtty.
Nıkolaı Shestak Qazaqstanmen jaqynyraq tanysýdy josparlap otyrǵanyn sóz etti.
Buǵan deıin Memleket basshysy Astana AI Film Festival halyqaralyq kınofestıvalin ashqan edi.
Baıqaýǵa álemniń 125 elinen 8 067 ótinish túsip, ol jasandy ıntellekt kómegimen jasalǵan fılmder arasyndaǵy eń iri halyqaralyq baıqaýlardyń birine aınaldy.
Jasandy ıntellekt kómegimen túsirilgen fılmder festıvali 1-3 qazan aralyǵynda ótti. 3 qazanda marapattaý rásimi ótip, álemniń ár túkpirinen kelgen avtorlar men rejısserler arasyndaǵy halyqaralyq baıqaýdyń jeńimpazdary anyqtaldy.
