AAA, VVV, SSS birkelki avtokólik nómerleri qansha turady
ASTANA. QazAqparat - 2018 jylǵy 1 qańtardan bastap memlekettik tirkeý nómiri belgilerin berý tizimderi qaıta qaraldy, dep habarlaıdy QazAqparat Astana ІІD baspasóz qyzmetine silteme jasap.
«Qazaqstan Respýblıkasynyń «Salyq jáne bıýdjetke tólenetin basqa da mindetti tólemder týraly» Kodeksine sáıkes, 2018 jylǵy 1 qańtardan bastap kólik quraldarynyń suranys joǵary 010, 020, 030, 040, 050, 060, 070, 077, 080, 090, 707 memlekettik tirkeý nómiri belgilerin (MTNB) berý tizimderi qaıta qaraldy. Bir nómirdiń quny 137 myń 85 teńgeni quraıdy. AAA, VVV, SSS, t.s.s. birkelki áriptik belgileri bar nómirlerdiń quny da - 137 myń 85 teńge.
Baspasóz qyzmeti taratqan málimetterge qaraǵanda, búgingi tańda Astana qalasy boıynsha osy sanattaǵy 141 MTNB satylyp, jalpy somasy 20 mln teńgege jetti.
Sonymen qatar suranys joǵary 001, 002, 003, 004, 005, 006, 007, 008, 009, 777, sondaı-aq 100, 200, 300, 400, 500, 600, 700, 800, 900, 111, 222, 333, 444, 555, 666, 888, 999 nómirlerin berý boıynsha jumystar júrip jatyr.
2018 jylǵy qańtarda jalpy quny 45 mıllıon teńgeden asyp jyǵylatyn júzden astam nómir berildi.
