«A321» ushaǵynyń apatynan keıin «Kogalymavıa» kompanııasynan 20 bortserik óz erkimen jumystan ketti
ASTANA. QazAqparat - Mysyrda bolǵan ushaq apaty «Kogalymavıa» kompanııasynyń jumysyna da keri áser etti. Qaıǵyly oqıǵadan keıin kompanııanyń 20 bortserik jumystan ketýge ótinish bildirgen, dep jazady reseılik BAQ.
Al, reseılik kompanııa jumystan ketip jatqandar negizinen taıaýda jumysqa kirgen jastar ekenin aıtty. Jumystan ketip jatqandardyń ishinde tájirıbeli mamandar da bar. Olardyń kópshiligi áleýmettik jelidegi jeke paraqshalarynda qaýipti jumys isteýge týystary qarsy bolǵandyqtan osyndaı sheshimge kelgenin jetkizgen. Derekkózdiń habarlaýynsha, kompanııada psıholog bortseriktermen áńgimelesip, olardyń kóńil-kúıimen bóliskennen keıin, 20 adam jumystan ketý týraly sheshim qabyldady. Sondaı-aq, qyzmettegi áriptesterin qoldaý úshin demalystaryn úzip, merziminen buryn jumysqa shyqqandary da bar.
