A321 ushaǵynyń apaty: Saraptama qorytyndysy boıynsha ekıpaj músheleri anyqtaldy
ASTANA. QazAqparat - Mysyrda apatqa ushyraǵan Airbus A321 laınerinde bolǵan barlyq ekıpaj músheleriniń aty-jóni anyqtaldy. Bul týraly LifeNews telearnasy komıssııa derekkózderine súıene otyryp habarlady.
«Qazir 40 múrdeniń kim ekeni anyqtaldy, olardyń ishinde ekıpaj músheleri bar», - dep naqtylady ol.
Ekıpaj múshelerin taný jumystaryn týystary emes, «Kogalymavıa» avıakompanııasynyń qyzmetkerleri júrgizgen. Odan ári súıekterge genetıkalyq saraptama júrgiziledi. Aıta keteıik, keshe, 3 qarashada Máskeýde Búkilreseılik sot-medıtsınalyq saraptama ınstıtýtynda múrdelerdi molekýlıarlyq genetıkalyq saraptamadan ótkizý jumystary bastalǵan. Budan buryn «LifeNews» apat qurbandary súıekteriniń sot-medıtsınalyq saraptamasynyń nátıjelerin jarııalaǵan. Aldyn ala derekterge súıensek, jolaýshylardyń bóligi qan joǵaltýdan, shoktan, ashyq súıek mı jaraqaty men kóptegen dene súıekteriniń synýy saldarynan qaza tapqan. Laınerdiń artqy bóligindegiler qatty jarylys tolqynynan qaza tapqan. Apat qurbandarynyń sany 224 (217 jolaýshy jáne jeti ekıpaj múshesi). Sharm-el-Sheıhtan Sankt-Peterborǵa baǵyt alǵan ushaq 31 qazan tańerteń Sınaı jarty aralynyń soltústiginde apatqa ushyrady.
