A.Jumaǵalıev Teleradıo habarlaryn taratý sapasyna baqylaýdy júrgizý qaǵıdalaryn bekitti

* * *

Qazaqstan Respýblıkasy Kólik jáne kommýnıkatsııa mınıstriliginiń buıryǵy
2012 jylǵy 26 qarasha № 812 Astana qalasy

Teleradıo habarlaryn taratý sapasyn baqylaýdy júrgizý qaǵıdalaryn bekitý týraly

«Teleradıo habarlaryn taratý týraly» Qazaqstan Respýblıkasynyń 2012 jylǵy 18 qańtardaǵy Zańynyń 7-babynyń 15) tarmaqshasyna sáıkes buıyramyn:

1. Qosa berilip otyrǵan Teleradıo habarlaryn taratý sapasyn baqylaýdy júrgizý qaǵıdalary bekitilsin.

2. Qazaqstan Respýblıkasy Kólik jáne kommýnıkatsııa mınıstrliginiń Baılanys salasyndaǵy memlekettik saıasat departamenti (V.V. ıAroshenko):

1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;

2) osy buıryqty belgilengen tártippen resmı jarııalaýdy;

3) osy buıryqty Qazaqstan Respýblıkasy Kólik jáne kommýnıkatsııa mınıstrliginiń ınternet-resýrsynda ornalastyrýdy qamtamasyz etsin.

3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkatsııa vıtse-mınıstri S.S. Sarsenovke júktelsin.

4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Mınıstr A. JUMAǴALIEV.

Qazaqstan Respýblıkasy Kólik jáne kommýnıkatsııa mınıstriniń

2012 jylǵy qarashadaǵy № 812 buıryǵymen bekitilgen

Teleradıo habarlaryn taratý sapasyn baqylaýdy júrgizý qaǵıdalary

1. Jalpy erejeler

1. Osy Teleradıo habarlaryn taratý sapasyn baqylaýdy júrgizý týraly qaǵıdalary (budan ári - Qaǵıdalar) «Teleradıo habarlaryn taratý týraly» Qazaqstan Respýblıkasynyń 2012 jylǵy 18 qańtardaǵy Zańyna (budan ári - Zań) sáıkes ázirlendi jáne teleradıo habarlarynyń sapasyna baqylaý tártibin aıqyndaıdy.

2. Qaǵıdalarda paıdalanylatyn negizgi uǵymdar:

1) teleradıo habarlaryn taratý salasyndaǵy ýákiletti organ (budan ári - ýákiletti organ) - teleradıo habarlaryn taratý salasyndaǵy memlekettik retteýdi júzege asyratyn memlekettik organ;

2) memlekettik tehnıkalyq qyzmet (budan ári - MTQ) - ýákiletti organnyń teleradıo habarlaryn taratý salasyndaǵy qyzmetti baqylaýyn tehnıkalyq qamtamasyz etýdi júzege asyratyn Qazaqstan Respýblıkasynyń Úkimeti aıqyndaıtyn zańdy tulǵa.

3. Teleradıo habarlaryn taratý sıgnaldarynyń parametrleri sapasyn baqylaý teleradıo habarlaryn taratý qyzmetterin tutynýshylardyń quqyqtary men múddelerin qamtamasyz etýge televızııalyq sıgnaldy qabyldaýdyń kepildik sapasyna, Qazaqstan Respýblıkasynyń aýmaǵynda tele, -radıobaǵdarlamalardy taratýdyń tehnıkalyq sapasyn jaqsartýǵa yqpal etý, teleradıo habarlaryn taratýdyń belgilengen paıdalaný-tehnıkalyq normalary men parametrleri buzýshylyǵyn aıqyndaý jáne aldyn alý maqsatynda júzege asyrylady.

4. Teleradıo habarlaryn taratý sapasyn baqylaýdy júrgizý ýákiletti organ MTQ tartýmen jáne «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń Zańyna sáıkes júzege asyrady.

5. MTQ teleradıo habarlaryn taratý sapasyn tehnıkalyq baqylaýdyń negizgi mindetteri mynalar bolyp tabylady:

1) ýákiletti organnyń tele-, radıoarnalardy halyqtyń qabyldaýynyń sapasyna baqylaý júrgizý kezinde jumystardy tehnıkalyq qamtamasyz etý;

2) tele-, radıobaǵdarlamalardy qalyptastyrý, taratý jáne qabyldaý tehnologııalyq úderisine qatysatyn teleradıo habarlaryn taratýdyń tehnıkalyq quraldaryn ýákiletti organ júrgizetin tekseris kezinde jumystardy tehnıkalyq qamtamasyz etý;

3) Qazaqstan Respýblıkasy aýmaǵynda qoldanystaǵy normatıvtik qujattarmen sáıkestigine teleradıo habarlaryn taratý sapasynyń tehnıkalyq parametrlerin baqylaý jumystaryn tehnıkalyq qamtamasyz etýi;

4) Qazaqstan Respýblıkasy teleradıo habarlaryn taratý jelisinde sıgnaldardy (baǵdarlamalardy) qalyptastyrý traktisiniń shyǵýynda taratylatyn tele-, radıobaǵdarlamalar sıgnaldarynyń sapasyn tehnıkalyq baqylaý;

5) sıgnaldardy (baǵdarlamalardy) taratý trakti býyndarynyń shyǵýynda teleradıo habarlaryn taratý jelisinde tele-, radıobaǵdarlamalardy taratý sapasyn tehnıkalyq baqylaý;

6) teleradıo habarlaryn taratý tehnologııalyq úderisine qatysatyn uıymdar, kásiporyndar men teleradıo habarlaryn taratý qyzmetin paıdalanatyn tutynýshylar arasynda týyndaıtyn daýlar men kelispeýshilikterdi ýákiletti organnyń sheshýi kezinde tehnıkalyq baqylaý ótkizý;

7) teleradıo habarlaryn taratý salasynda radıojıilik spektriniń jáne radıoelektrondyq quraldardyń monıtorıngi boıynsha jumystardy tehnıkalyq qamtamasyz etý;

8) Qazaqstan Respýblıkasy aýmaǵyna sheteldik teleradıo habarlaryn taratý sıgnaldarynyń ótýin tehnıkalyq baqylaý;

9) Qazaqstan Respýblıkasy teleradıo habarlaryn taratý radıoelektrondyq quraldaryna olardy joıý boıynsha odan ári sharalar qabyldaý úshin basqa Baılanys ákimshilikteriniń radıoelektrondyq quraldarynan radıobógeýler kózderin anyqtaý;

10) Qazaqstan Respýblıkasy aýmaǵynyń teleradıo habarlaryn taratýdyń esepteý aımaqtaryna naqty aımaqtarǵa sáıkestigin tekserý;

2. Teleradıo habarlarynyń sapasyna baqylaýdy júrgizý tártibi

6. Teleradıo habarlaryn taratýdyń sapasyn baqylaý:

1) teleradıo habarlaryn taratý tehnıkalyq quraldary parametrlerin josparly baqylaý ólshemderin júrgizý;

2) ýákiletti organnyń nusqaýy boıynsha baǵdarlamalardy taratý úderisinde jáne baǵdarlamalardy alyp tastaýmen ótkiziletin teleradıo habarlaryn taratýdyń tehnıkalyq quraldary parametrlerin jospardan tys baqylaý ólshemderin júrgizý;

3) teleradıo habarlaryn taratý salasyndaǵy radıojıilik spektri men radıoelektrondyq quraldarynyń tehnıkalyq sıpattamalaryn taldaý júrgizý jolymen júzege asyrylady.

7. Teleradıo habarlaryn taratý tehnıkalyq quraldary parametrleriniń josparly jáne jospardan tys baqylaý ólshemýeri ýákiletti organnyń ınspektsııalaý tekseristerimen bir ýaqytta ınspektsııalanýshy uıym ornalasqan jeri nemese (jáne) onyń tehnıkalyq obektileri (tehnıkalyq quraldar) boıynsha ınspektsııalyq tekserýler ótkizilýi múmkin.

Josparly baqylaý ólsheýleri múmkindiginshe teleradıo habarlaryn taratý jelisinde josparly ólsheýler júrgizý kezeńinde ótkiziledi.

8. MTQ men teleradıo habarlaryn taratý operatory jáne/nemese tele-, radıokompanııa ókilderiniń qatysýymen ýákiletti organnyń talaptary boıynsha jospardan tys baqylaý ólsheýleri júrgizilýi múmkin.

Ýákiletti organnyń talaby boıynsha teleradıo habarlaryn taratýdyń tehnıkalyq quraldarynyń parametrlerin jospardan tys baqylaý ólshemderin júrgizý úshin Qazaqstan Respýblıkasy Prezıdentiniń, Qazaqstan Respýblıkasy Úkimetiniń tapsyrmalary men saýaldary, oǵan ýákiletti memleketik organdarynyń depýtattyq saýaldary, ótinishteri, suraý salýlary, jeke jáne zańdy tulǵalardyń shaǵymdary bolyp tabylady.

Eger jospardan tys baqylaý ólshemýer júrgizgen kezde buzýshylyqtar anyqtalmasa onda kestede kózdelgen kezekti josparly baqylaý ólshemýeri aǵymdaǵy toqsanda ótkizilmeıdi.

9. Teleradıo habarlaryn taratý salasyndaǵy radıojıilik spektri men radıoelektrondyq quraldardy baqylaý MTQ turaqty túrde júzege asyrady.

10. Tehnıkalyq parametrleriniń baqylaý ólsheýleri (qabyldaý jáne berý sıgnaly) televızııalyq habar taratýdyń tehnıkalyq quraldarynyń teleradıo habarlaryn taratý sapasyn baqylaý bóliginde normatıvtik quqyqtyq aktilerge sáıkes júrgiziledi.

11. Ólsheýler ótkizý úshin ólsheý quraldarynyń teleradıo habarlaryn taratýdyń tehnıkalyq quraldaryna qosylýy tehnıkalyq quraldar ıesiniń ókili tele-radıokompanııa nemese teleradıo habarlaryn taratý operatory iske asyrady.

12. Teleradıo habarlaryn taratýdyń tehnıkalyq quraldarynyń parametrlerin baqylaý ólsheýlerin júrgizý kezinde MTQ-nyń aspaptary da sondaı-aq ólshenetin tehnıka quraldary ıesiniń aspaptary paıdalanylady.

MTQ ókili ólsheý júrgizýdiń durystyǵyn baqylaıdy jáne ólsheý aspaptarynyń kórsetkishterin belgileıdi.

13. Baqylaý ólsheýlerin júzege asyratyn MTQ jumyskerleri televızııanyń habar taratý aspaptarynyń jabdyqtaryn kirerde jáne shyǵarda (beıne jáne dybystyq súıemeldeý), sondaı-aq habar taratý kezinde de jáne televızııalyq habar taratý quraldary parametrlerin, olardy jiberý baqylaý ólsheýleri ýaqytynda da baqylaý júrgizedi.

14. Baqylaý ólsheýlerdiń hattamasyna úsh danada ólsheýlerdiń barlyq qatysýshylary qol qoıady. Hattama túpnusqasynyń bir danasy teleradıohabarlaryn tehnıkalyq quraldarymen jumysy barysynda barlyq buzýshylyqtar anyqtalǵan jaǵdaıda odan ári sharalar qabyldaý úshin ýákiletti organǵa jiberiledi. Hattama túpnusqasynyń ekinshi danasy MTQ-da saqtalady, hattamanyń úshinshi túpnusqasy birlesken ólsheýlerge qatysýshynyń ókiline tapsyrylady.