A.Jumaǵalıev kólikterdi tehnıkalyq baıqaýdan ótkizetin ortalyqtardy kóbeıtý úshin qajetti sharalardy qabyldaýdy tapsyrdy
ASTANA. 26 qańtar. QazAqparat - Kólik jáne kommýnıkatsııa mınıstri Asqar Jumaǵalıev Astanadaǵy avtokólikterdi tehnıkalyq baıqaýdan ótkizetin ortalyqtardy aralady, dep habarlady pm.kz saıty.
Mınıstr Kóliktik baqylaý komıtetine kólikter tehnıkalyq baıqaýdan ótetin ortalyqtardy kóbeıtý úshin qajetti sharalar qabyldaý týraly tapsyrma berdi.
Asqar Jumaǵalıev, sondaı-aq barlyq tehnıkalyq ortalyqtardan kelip túsetin málimetterdi ortalyqtandyrý úshin aqparattyq júıe qurý múmkindigin talqylaýdy tapsyrdy.
«Málimetterdi onlaın-rejımde jol polıtsııasy júıesine berý máselesin qarastyramyz»,- dep málim etti mınıstr osy másele boıynsha.
Búgingi tańda Astanada mindetti tehnıkalyq baıqaý ótkizetin 3 stansa jumys isteıdi. Al jalpy Qazaqstan boıynsha mundaı 52 ortalyq bar.
