A.Jumaǵalıev: Qazaqstanda ınternetke kirý 70 paıyzdan asty
ASTANA. QazAqparat - Búgingi tańda Qazaqstanda ınternetke kirý 70 paıyzdan asty. Bul týraly búgin elordada bastalǵan Baılanys salasyndaǵy óńirlik yntymaqtastyqtyń Baılanys ákimshiligi keńesiniń 49-shy birlesken otyrysy jáne BSÓY janyndaǵy aqparattandyrý boıynsha TMD-ǵa qatysýshy elderdiń Úılestirý keńesiniń 20-shy birlesken otyrysy kezinde
QR Baılanys jáne aqparat agenttiginiń tóraǵasy Asqar Jumaǵalıev málim etti. «Búgingi tańda Qazaqstanda ınternetke kirý kórsetkishi 70 paıyzdan asyp jyǵyldy. Al uıaly baılanysqa kirýde biz 160 paıyzdyq shekten astyq», - dedi A. Jumaǵalıev.
Sonymen birge agenttik basshysy aýyldyq eldi mekenderdi telefonmen jabdyqtaý jalǵasyp otyrǵanyn basa aıtty. Sonyń arqasynda Qazaqstan shalǵaıdaǵy aýyldardy ǵalamtormen qamtý úshin talshyqty optıkalyq ınfraqurylymdy damytýdy jalǵastyrýda. «Taıaý úsh jyldyń ishinde bul jobany iske asyrýdy josparlap otyrmyz», - dedi ol.
