A. Jumaǵalıev bastaǵan aqparattyq-nasıhat top BQO-ǵa keldi
ASTANA. 17 aqpan. QazAqparat. Búgin QR Baılanys jáne aqparat mınıstri Asqar Jumaǵalıev bastaǵan aqparattyq-nasıhat toby jumys saparymen Batys Qazaqstan oblysyna keldi,
dep habarlaıdy vedomstvonyń baspasóz qyzmeti.
Іs sapardyń maqsaty - QR Prezıdenti Nursultan Nazarbaevtyń Qazaqstan halqyna arnaǵan kezekti Joldaýynda kórsetilgen mindetter men tapsyrmalardyń júzege asyrylý barysy týraly jergilikti turǵyndardy aqparattandyrý.
Jumys sapary barysynda mınıstr Asqar Jumaǵalıev «Qazaqtelekom»AQ-nyń qyzmetkerlerimen jáne Qazaqstandyq ınnovatsııalyq-telekommýnıkatsııalar júıesi ýnıversıtetiniń stýdentterimen kezdesti.
Stýdenttermen kezdesý barysynda Asqar Jumaǵalıev: « Joldaýda Memleket basshysy jastar máselesine kóp kóńil bóldi. Óıtkeni, elimizdiń bolashaǵy sizderdiń qolyńyzda»,-dep aıtyp ótti.
Mınıstr bilim berý máselesine basa nazar aýdaryp, Memleket basshysynyń Úkimettiń aldyna qoıǵan turǵyn úı máselesin sheshý men jumys oryndaryn kóbeıtý sekildi tapsyrmalary týraly baıandady. Sonymen qatar, QR Baılanys jáne aqparat mınıstrliginiń Memleket basshysynyń Joldaýy aıasynda júzege asyrylyp jatqan jobalary týraly da aıtyp ótti.
