Á.Jumadildaev: Qazaqstanda KO elderi ınvestorlarynyń qatysýymen zańdy tulǵalar sany artyp keledi

ASTANA. QazAqparat - Qazaqstanda Keden odaǵy elderi ınvestorlarynyń qatysýymen zańdy tulǵalar sany artyp keledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Qarjy mınıstrligi Salyq komıtetiniń tóraǵasy Ánýar Jumadildaev málim etti.

«Keden odaǵy qurylǵan kezden bastap Reseı men Belarýs ımportynan qosylǵan qun salyǵynyń jyl saıynǵy ósimi baıqalady. Máselen, 2013 jylǵy atalǵan elderdiń ımportynan túsken qosylǵan qun salyǵynyń jalpy kólemi 367 mlrd. teńgeni qurady. 2013 jylmen salystyrǵanda, túsim ósimi shamamen 41 mlrd. teńgege jetti. Al 2012 jyly 2011 jylmen salystyrǵanda 42 mlrd. teńgeni quraǵan edi», - dedi ol.

Komıtet tóraǵasynyń atap ótýinshe, Keden odaǵyna múshe atalǵan memleketterden keletin salyq salynatyn ımport kólemi 2013 jyly 3 trln. 59 mln. teńgeni quraǵan. Bul 2012 jylmen salystyrǵanda 340 mlrd. teńgege artyq. Al 2012 jyly 2011 jylmen salystyrǵanda ımport kólemi 352 mlrd. teńgege ósip, 2 trln. 719 mlrd. teńgege jetken.

«Keden odaǵyna múshe memleketter ınvestorlarynyń qatysýmen zańdy tulǵalar sanynyń jyl saıynǵy artýy baıqalady. Máselen, 2012 jyly atalǵan ıvestorlardyń sany 4737-ini qurap, 2012 jylmen salystyrǵanda 423-ke ulǵaıdy», - dedi Á.Jumadildaev.