A.Joldybalına: Qazaqstandaǵy 2015 jylǵy saılaýaldy naýqannyń ereksheligi - jastardyń joǵary belsendiligi
ASTANA. QazAqparat - Qazaqstandaǵy 2015 jylǵy saılaýaldy naýqannyń ereksheligi - jastardyń joǵary belsendiligi. Bul týraly jýrnalıstermen suhbat barysynda saıasattanýshy Alýa Joldybalına málim etti.
«Qazirgi tańda saılaýaldy naýqan belsendi júrip jatyr. Atalǵan saılaý naýqanynyń úsh ereksheligin bólip kórsetýge bolady. Birinshiden, alǵashqy on kúnde kandıdattarǵa da, olardyń senimdi ókilderine de eshqandaı eskertýler bolǵan joq, zań buzýshylyqtar baıqalmady. Bul qoǵamdaǵy saılaý mádenıetiniń, jalpy saıası mádenıettiń jaqsy kórsetkishi bolyp tabylady. Ekinshi erekshelik - qazir kóptegen úgit-nasıhat sharalary ótýde. Olar - onlaın-estafetalar, forýmdar, beınerolıkter, fleshmobtar, konkýrstar. Saılaý úderisine kelgende jastar enjarlyq tanytady degen pikir qalyptasqanymen atalǵan is-sharalarǵa jastar belsendi qatysyp jatyr», - dedi A.Joldybalına.
Onyń aıtýynsha, saılaý naýqanynyń úshinshi ereksheligi retinde Ortalyq saılaý komıssııasynda búgingi tańda 402 sheteldik baıqaýshynyń tirkelgenin aıtýǵa bolady. Alǵashqy onkúndik úshin joǵary kórsetkish. Bul halyqaralyq qaýymdastyq Qazaqstandaǵy kezekten tys prezıdenttik saılaýǵa qyzyǵýshylyq tanytyp otyrǵanyn bildiredi.
