Á. Jaqsybekov: Joǵarǵy Bas qolbasshynyń Qazaqstan Qarýly Kúshteriniń aldyna qoıǵan basty tapsyrmasy - qorǵanys qabiletin nyǵaıtý
dep habarlady atalmysh vedomostvonyń baspasóz qyzmetinen.
Oǵan Qorǵanys mınıstrliginiń basshylyǵy, departamentter men basqarmalardyń bastyqtary, ásker túrleriniń bas qolbasshylary, tekteri men óńirlik qolbasshylyq áskerleriniń qolbasshylary, áskerı oqý oryndary men qorǵanys isteri jónindegi departamentterdiń bastyqtary jáne serjanttar quramy qatysty.
Alqa jumysy bastalar aldynda qorǵanys vedomstvosynyń basshysy QR Prezıdenti ókimimen jaýapty laýazymdarǵa taǵaıyndalǵan generaldardy tanystyryp, olardyń jumystaryna jemis tiledi.
Alqa jınalysy qarsańynda Memleket basshysynyń ókimimen Saparov Oqas Bazarǵalıuly Qazaqstan Respýblıkasy Qorǵanys mınıstriniń orynbasary, Ormanbetov Nurlan Sekenuly Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy, Kamaletdınov Sultan Búrkitbaıuly «Astana» óńirlik qolbasshylyǵy áskerleriniń qolbasshysy bolyp taǵaıyndaldy.
Búgin alqa otyrysynda Qorǵanys mınıstri «Astana» óńirlik qolbasshylyǵy áskerleriniń qolbasshysy qyzmetinen bosatylǵan Altynbaev Músilim Muhtarulynyń QR QK Bas shtaby bastyǵynyń orynbasary qyzmetine taǵaıyndalǵandyǵyn aıtty.
- Elbasy - Joǵarǵy Bas qolbasshy óz Joldaýynda qazirgi kezeńdegi Qarýly Kúshterdiń aldynda turǵan basty tapsyrma - qorǵanys qabiletin nyǵaıtý ekenin naqty aıqyndap berdi. Jaýyngerlik qarym-qabiletti sıpattaıtyn negizgi kórsetkishterdiń biri áskerlerdi jasaqtaý jáne qarý-jaraq pen áskerı tehnıkanyń tehnıkalyq jaǵdaıy, - dep atap ótti QR Qorǵanys mınıstri Ádilbek Jaqsybekov.
2013 oqý jylynyń qysqy kezeńinde Qarýly Kúshterde ár túrli aýqymdaǵy 800-den astam taktıkalyq oqý-jattyǵýlar ótkizildi. Jaýyngerlik daıyndyqtyń qarqyny artýda, bul óz kezeginde sardarlar men sarbazdardyń jaýyngerlik rýhyn nyǵaıtý men kásibı sheberlikteriniń ósýine oń yqpal etedi. Qarýly Kúshterdegi bólimshelerdiń neǵurlym sapaly daıyndyǵy úshin ár túrli aýqymdaǵy jáne baǵyttaǵy manevrlar ótkizilip keledi. Taraptar shartty qarsylas retinde kúsh synasatyn eki jaqty oqý-jattyǵýlaryn ótkizý de óziniń tıimdiligin dáleldedi. Bul basqarý organdary men áskerlerdi daıyndaýdaǵy óte kúrdeli is-shara bolyp tabylady.
Osy jyldyń sońyna deıin Qazaqstan Qarýly Kúshteri «Shyǵys», «Batys», «Jaýyngerlik dostastyq», «Shaǵala» syndy iri kólemdegi jattyǵýlarǵa, sondaı-aq «Dala qyrany - 2013» taktıkalyq-arnaıy bitimgerlik oqý-jattyǵýlaryna qatysatyn bolady. Qorǵanys mınıstri oqý-jattyǵýlarda sarbazdan bastap sardarǵa deıingi árbir áskerı qyzmetshi atys qarýynan shynaıy atyp, áskerı tehnıkany saýatty júrgizip, jaqsy tájirıbe alý kerek ekenin qadap aıtty.
Qorǵanys vedomstvosynyń basshysy barlyq qurylymdar shoǵyrlanyp jumys istep, josparlanǵan is-sharalarda kedergi bolmaýy kerek ekenin eskertti.
Qarý-jaraq pen áskerı tehnıkany paıdalaný máselelerinde Qarýly Kúshterdegi tehnıkalyq qamtamasyz etý organdarynyń negizgi kúshi áskerlerdiń jedel, jaýyngerlik jáne jumyldyrý, jaýyngerlik kezekshilik jáne áskerlerdiń qyzmetine, bólimder men quramalardy qazirgi zamanǵy qarý-jaraq jáne áskerı tehnıkalardyń úlgilerimen ýaqtyly jaraqtandyrý men olardy jetildirýge baǵyttalǵan.
Qatań baqylaýdy uıymdastyrýdyń nátıjesinde qysqy oqý kezeńinde qarý-jaraq pen áskerı tehnıkany qamtamasyz etý tapsyrmalary joǵary deńgeıde sheshildi.
Elbasy - Qarýly Kúshterdiń Joǵarǵy Bas qolbasshysynyń qatysýmen ótken Jaýyngerlik paradqa qarý-jaraq pen áskerı tehnıkany sapaly daıyndaýǵa aıryqsha mán berildi. Jaýyngerlik parad Táýelsiz memlekettiń qoǵamdyq-saıası ómirindegi mańyzdy oqıǵa boldy. Ol sardarlar men sarbazdardyń jaýyngerlik daǵdysy men kásibı sheberlikterin pash etti. Jaýyngerlik paradty translıatsııalaý elimizdiń barlyq turǵyndaryna armııanyń kúsh-qýaty men jaýyngerlik qabiletin dáleldep berdi.
Alqa otyrysyna qatysýshylar Qarýly Kúshterdegi áskerı tártip pen quqyq tártibi máseleleri boıynsha barlyq laýazymdy adamdar, qurylymdar men áskerı basqarý organdary arasyndaǵy tıimdi jáne praktıkalyq ózara is-qıymyldyń birlesken aldyn alý qyzmeti salasyndaǵy ortaq núktelerin tabý, sondaı-aq adamǵa ıdeologııalyq, aqparattyq-tárbıelik jáne moraldyq-psıhologııalyq yqpal etýdiń barlyq spektri boıynsha biryńǵaı quqyqtyq keńistik qalyptastyrýdyń áskerı tártipti nyǵaıtýda úlken rol atqaratynyn atap ótti.
Qorǵanys mınıstri tártip pen jaýyngerlik daıarlyqtyń jaı-kúıi serjanttardyń negizgi mindetteriniń biri bolyp tabylatynyna toqtaldy. Osyǵan baılanysty serjanttar korpýsyn kásibılendirýdi ári qaraı damytý qajettigin atap kórsetti.
Alqa otyrysynyń barysynda áskerı oqytylǵan rezervti jınaqtaý jóninde atqarylǵan jumys talqylandy. Naýryz-sáýir aılarynda 600-ge jýyq áskerı mindetti oqý-jattyǵý ortalyqtarynyń bazasynda jıyndardan ótti.
Azamattardy merzimdi qyzmetke shaqyrýdyń kóktemgi naýqany da tabysty ótti. Tirkelgen quramdy jasaqtaý sapasy aıtarlyqtaı jaqsardy. Shaqyrylýshylardy zerdeleý úshin áskerler ókilderiniń jergilikti jerlerge shyǵýymen jańa júıe synaqtan ótti.
Qolbasshylyq quram Qorǵanys mınıstrligi alqa otyrysynda qorytyndylardy talqylaı otyryp, kelesi kezeńge josparlardy saralady. Bıyl kúsh «KADEX-2014» qarý-jaraq pen áskerı-tehnıkalyq múlik kórmesin uıymdastyrýǵa, daıyndaý jáne ótkizýge baǵyttalatyn bolady. Elimiz qorǵanys-ónerkásiptik keshenin damytý qarý-jaraq pen áskerı tehnıka, áskerı múlik, qyzmet kórsetýler ımportynan táýeldilikti azaıtýǵa múmkindik beredi. Sońǵy úsh jyl ishinde memlekettik qorǵanys tapsyrysy úsh eseden asa ósti. 2014 jylǵa arnalǵan qorǵanys bıýdjeti bir jarym eseden artyq ósip otyr, onyń negizgi shyǵystary Áýe qorǵanysy kúshteriniń, Qurlyq áskerleriniń jáne Áskerı-teńiz kúshteriniń áleýetin arttyryp, jaýyngerlik múmkindikterin kúsheıtýge baǵyttalatyn bolady.
Sonymen qatar bıýdjette turǵyn úı satyp alý men onyń qurylysyna, turǵyn úıler men turǵyn úılerdi jalǵa alý úshin maqsatty ótemaqylar tóleýge arnalǵan áleýmettik shyǵystar kózdelgen. 2013 jylmen salystyrǵanda Qarýly Kúshterdegi áleýmettik sıpattaǵy shyǵystar 36 paıyzǵa ulǵaıady.
Qorǵanys mınıstrligi alqasynyń otyrysyn qorytyndylaı kele vedomstvo basshysy Ádilbek Jaqsybekov qolbasshylyq quramdy jeke quramnyń jaýyngerlik sheberligin shyńdap, jaýyngerlik daıarlyq qarqynyn arttyrý, áskerı tártipti nyǵaıtý, dene daıarlyǵyn damytý, armııanyń jaýyngerlik ázirligin aıqyndaıtyn basqa da máseleler boıynsha jumysty jalǵastyrýǵa shaqyrdy.