Á. Jaqsybekov: Ustaz - kez kelgen adam úshin qasterli tulǵa
ASTANA. QazAqparat - Astana qalasynyń ákimi Ádilbek Jaqsybekov ustazdar qaýymyn merekesimen quttyqtady. Bul týraly ákimdiktiń baspasóz qyzmetinen habarlady.
«Qurmetti ustazdar! Sizderdi kásibı merekelerińiz - «Ustazdar kúnimen» shyn júrekten quttyqtaımyn!
Ustaz - kez kelgen adam úshin qasterli tulǵa. Ol shákirtterin bilim nárimen sýsyndatyp, dúnıetanymy men kóńil kókjıegin keńeıtedi. Jaqsylyq jasaýǵa úndep, jalpyadamzattyq qundylyqtardy boıǵa sińiredi. Uly Abaı «Ustazdyq etken jalyqpas, úıretýden balaǵa» dep jyrlaǵandaı, eń áýeli shákirtine tálim men tárbıe berip, bilim men ǵylymǵa baýlyǵan ustazdyń qadiri qashan da bıik. Memleketimizdiń keleshegi ustazdar baýlyǵan jastardyń qolynda. Sondyqtan abyroıly mamandyq ıeleriniń jumysy jemisti, keleshegimiz kemel bolsyn dep tilek bildiremin.
Denderińiz saý, jumystaryńyz berekeli bolsyn!» - dep jazylǵan quttyqaý mátininde.
