Á.Jaqsybekov memlekettik balabaqshalardyń aqysyn qymbattatýdy usyndy
ASTANA. QazAqparat - Astana qalasynyń ákimi Ádilbek Jaqsybekov Bilim jáne ǵylym mınıstrligi men qalalyq bilim basqarmasynyń basshylyǵyna memlekettik balabaqshalardyń aqysyn ósirý máselesin qaraý kerek degen usynys aıtty.
Astana ákiminiń aıtýynsha, qalada bala týý kórsetkishi artyp keledi, sondaı-aq óńir-óńirden jas balalary bar otbasylar da kóp qonys aýdarýda. Jáne de Astana - óńirler arasynda mektepaldy bilimdi eń arzan baǵamyn usynyp otyrǵan qala bolyp sanalady.
«Sondyqtan, QR Bilim jáne ǵylym mınıstrligine Astana qalasynyń bilim basqarmasymen birlese otyryp, memlekettik balabaqshalardaǵy tárbıe men oqý aqysyn qymbattatý máselesin qaraýdy usynamyn. Tıisti ózgeristerdi normatıvik aktilerge sáıkes engizý kerek»,-dedi tamyz keńesiniń barysynda elorda ákimi.
Á.Jaqsybekov bul bir jaǵynan osy saladaǵy qyzmetkerlerdiń jalaqysyn arttyrýǵa septigin tıgizse, ekinshi jaǵynan qalada mektepaldy bilim berýdiń biryńǵaı júıesin qurýǵa yqpal etedi.
