Á.Jaqsybekov Qazaqstannyń bıologııalyq qaýipsizdigin kúsheıtý maqsatynda profılaktıkalyq sharalardy qabyldaýdy tapsyrdy
«Otyrysqa memlekettik organdardyń jetekshileri, sanıtarlyq-epıdemıologııalyq jáne veterınarlyq qyzmetterdiń basshylary, sondaı-aq beıindi qazaqstandyq ǵylymı-zertteý ınstıtýttardyń sarapshylary qatysty. Talqylaý barysynda QR Memlekettik hatshysy Á.Jaqsybekov syrttan keletin jáne ishki epıdemıologııalyq qaýip-qaterlerdiń ósýi jaǵdaıynda Qazaqstannyń bıologııalyq qaýipsizdigin kúsheıtý maqsatynda profılaktıkalyq jáne aldyn alý sharalaryn ýaqtyly qabyldaýdyń mańyzdylyǵyn atap ótti. Sarapshylar Ortalyq Azııada sanıtarlyq-epıdemıologııalyq táýekeldiń ósýine baılanysty alańdaýshylyǵyn bildirdi. Jańa ınfektsııalyq aýrýlar men vırýstardyń (Ebola bezgegi, qyzylsha epıdemııasy, týberkýlez, oba jáne basqalar) taraýy Qazaqstan halqynyń densaýlyǵyna jáne ekonomıkalyq turaqtylyǵyna qater tóndiretindigi atap ótildi. Qazaqstannyń sanıtarlyq-epıdemıologııalyq jáne veterınarlyq qyzmetterin damytýdy memlekettik qoldaý sharalary, sondaı-aq bul saladaǵy halyqaralyq yntymaqtastyqtyń bolashaǵy pysyqtaldy. Á.Jaqsybekov memlekettik saıasatty kúsheıtý, ulttyq sanıtarlyq-epıdemıologııalyq jáne veterınarlyq qyzmetterdiń ınfraqurylymyn jańartý, azamattardyń densaýlyǵy men ómirin qorǵaýdy qamtamasyz etýde vedomstvoaralyq yntymaqtastyq mehanızmderin jetildirý qajettiligin atap ótti. Jumystyń qorytyndysy boıynsha, Sarapshylyq keńes tıisti memlekettik organdarǵa naqty tapsyrmalar berdi. Másele Qaýipsizdik Keńesiniń kezekti otyrysyna shyǵarylady.
