Á. Jaqsybekov elordalyq polıtsııa qyzmetkerlerine 40 qyzmettik kóliktiń kiltin tabys etti (FOTO)
ASTANA. QazAqparat - Búgin Astana qalasynyń ákimi Ádilbek Jaqsybekov elordalyq polıtsııa qyzmetkerlerine jańa 40 qyzmettik kóliktiń kiltin tabys etti.
Saltanatty shara qala ákimdiginiń aldyndaǵy alańda ótti, dep habarlaıdy Astana qalasy ákiminiń baspasóz qyzmeti.
Jańa qyzmettik kólikter elordalyq polıtseılerge kásibı merekeleri aıasynda qol jetkizdi. Atap aıtqanda, qoǵamdyq tártipti jáne qaýipsiz jol qozǵalysyn qamtamasyz etýge arnalǵan «Pejo 301», resmı delegatsııalardy tasymaldaýǵa arnalǵan «Pejo 508» jáne «Shkoda Oktavııa», sonymen qatar, saıajaı alaptaryn patrýldeýge arnalǵan «SangEng-Kaıron» avtokólikteri.
Otandyq kólikterdiń barlyǵy polıtsııa kólikteriniń qazirgi zamanǵy tehnıkalyq talaptaryna saı jáne ІІM aqparat bazasynan qajetti jedel aqparatty alý, qoǵamdyq tártipti buzý men jol qozǵalysy erejelerin saqtamaý faktilerin tirkeý qurylǵylarymen jabdyqtalǵan.
Qyzmettik avtokólikter parkin jańartý - memlekettiń quqyq qorǵaý organdary qyzmetiniń sapasyn arttyrýǵa baǵyttalǵan keshendi sharalarynyń bir bóligi ǵana.
Búgingi tańda Astanada «Tynys-tirshilikti qamtamasyz etýdiń keshendi júıesi» aýqymdy jobasy júzege asyrylyp jatyr. Aldaǵy ýaqytta joba aıasynda qalada 15 myń beınekamera ornatý kózdelgen. Bul jobanyń basqa elementterimen birge elordalyq polıtsııa jumysynyń tehnologııalyq bazasyn jańa deńgeıge kóteredi.
- Memleket basshysy óziniń 5 ınstıtýtsıonaldy reformany júzege asyrý baǵytyndaǵy «100 naqty qadam» baǵdarlamasynda polıtsııany jańa sapaly kezeńge kóterý úshin birqatar mańyzdy tapsyrma bergen bolatyn. Quqyq qorǵaý organdary qyzmetkerlerin memlekettik qyzmet júıesine qosý jáne jergilikti polıtsııa qyzmetin qurý polıtsııa qyzmetiniń, Astana qalasy Іshki ister departamenti jumysynyń uıymdastyrylýyna oń áser etedi, - dedi ákim,
Búgingi tańda qaladaǵy tártipti elorda garnızonynyń 3400 qyzmetkeri qamtamasyz etedi. Ákimniń aıtýynsha, olar qala ákimdigimen birigip Memleket basshysynyń tapsyrmalaryn júzege asyrý baǵytynda úlken jumystar atqarý kerek.
Qorytyndylaı kele, qala basshysy quqyq qorǵaý organdarynyń qyzmetkerlerine osynaý mańyzdy jumystaryna sáttilik pen bar jaqsylyqty tiledi.
