Á. Jaqsybekov: Elordada tirshilik qaýipsizdigin qamtamasyz etý - ákimdiktiń basty mindeti
ASTANA. QazAqparat - Búgin qala basshysy Ádilbek Jaqsybekovtiń tóraǵalyǵymen ótken apparat keńesiniń basty taqyryby kommýnaldyq sharýashylyq jáne eldordanyń TJ daıyndyǵy máseleleri boldy.
Aýa raıynyń ózgerýine qaramastan qala kommýnaldyq jáne jol qyzmetterine túsetin kez kelgen júktemege daıyn bolýy kerek. Astana ákimi TJ oryn alǵan jaǵdaıda jumyla jumys isteýi tıis barlyq qalalyq qyzmetterdiń áreket etý josparlaryn jańartý qajet ekendigin atap ótti.
Qala basshysy elordada tirshilik qaýipsizdigin qamtamasyz etý máselesi qalalyq ákimdik jumysynyń basty baǵyty bolyp qalatynyn atap ótti, barlyq qalalyq basqarmalar men qyzmetterge birdeı jaýapkershilik júktelýi tıis. Kez kelgen basqa basqarma jaýapty bolyp tabylatyn jumystardan bas tartýǵa jol berilmeıdi. Ákimdik qyzmetkerlerine erekshe talap qoıylady.
Ádilbek Jaqsybekov qalalyq qyzmetterdi aldaǵy merekelerge baılanysty kúsheıtilgen tártipte jumys isteýge, qaýipsizdik sharalaryn arttyrýǵa jáne qalany abattandyrý boıynsha barlyq mindettemelerdi ýaqtyly oryndaýǵa shaqyrdy, dep habarlaıdy astana.kz.
