Á.Jaqsybekov astanalyqtardy Qurban aıt merekesimen quttyqtady
ASTANA. QazAqparat - Astana ákimi Ádilbek Jaqsybekov astanalyqtardy jáne qala qonaqtaryn Qurban aıt merekesimen quttyqtady, dep habarlaıdy elorda ákimdiginiń baspasóz qyzmeti.
***
Qurmetti astanalyqtar jáne qala qonaqtary!
Sizderdi kúlli musylman jurtynyń qasıetti meıramy - Qurban aıt merekesimen shyn júrekten quttyqtaımyn!
Osynaý ulyq merekede adamdar Alla razylyǵy úshin qurban shalyp, bir-biriniń kinásin keshiredi. Beıbitshilik pen jaqsylyq jolynda uıysyp, izgi amaldar jasaıdy.
Qurban aıt - erteden-aq halqymyzdyń tarıhymen, ómir tirshiligimen bite qaınasqan rýhanı meıram. Elimiz egemendigin alǵannan keıin bul merekeni toılaý jańasha serpin alyp, keń kólemde atap ótilýde.
Táýelsizdik jyldary elimizde kóptegen meshitter men medreseler salynyp, bilikti mamandardyń sany artyp keledi. Bul memleketimizdiń rýhanııatqa jasaǵan aıryqsha qamqorlyǵy deýge bolady.
Sizderge zor densaýlyq, qajymas qaırat, otbasylaryńyzǵa yrys pen bereke tileımin!
Qurban aıt qutty bolsyn!
