Á.Jaqsybekov «Astana» komandasynyń fýtbolshylarymen kezdesti
ASTANA. QazAqparat - Búgin Astana ákimi Ádilbek Jaqsybekov Chempıondar Lıgasynda úzdik óner kórsetip, kıprlyq APOEL komandasyn jeńgen "Astana" komandasynyń fýtbolshylarymen kezdesti, dep habarlaıdy astana.kz.
- Óz alańymyzdaǵy oıyndy jeńgenimizben, osy jeńisti saqtap qalyp, tarıhı jetistikke qol jetkizý - Chempıondar Lıgasynyń toptyq kezeńine ótý qaldy, - dep atap ótti qala basshysy. Sonymen qatar fýtbolshylarmen kezdesýde ákim elordalyq klýbtyń sátti oıyny barlyq astanalyqtar úshin biriktirýshi faktor jáne mereke bolǵanyn, astanalyq arenada alǵash ret evropalyq fýtbol atmosferasy sezilip, otyz myńǵa jýyq jankúıer jınaǵan tartysty oıyn ótkenin aıtyp ótti. Sonymen qatar ákimniń aıtýynsha, bul jetistikter «Astana» klýbynyń eýropalyq masshtabtaǵy klýb dárejesine deıin ósýiniń irgetasy bolýy qajet. Eske sala keteıik, Chempıondar Lıgasynyń pleı-off raýndynyń birinshi matchynda «Astana» komandasy kıprlyq APOEL komandasyn 1:0 esebimen jeńgen bolatyn. Komandalar arasyndaǵy qarymta oıyn 26-ynan 27-ine qaraǵan túni Nıkosııada ótedi.
