Á.Jaqsybekov Astana qalasyndaǵy bilim mekemelerin aralap kórdi
ASTANA. QazAqparat - Búgin Astana qalasynyń ákimi Ádilbek Jaqsybekov kóshpeli keńes ótkizip, shahardaǵy bilim mekemeleriniń jumysymen tanysty. Qala basshysy Oqýshylar saraıynda, tirek-qımyl apparaty buzylǵan balalarǵa arnalǵan №64 «Asyl bóbek» balabaqshasynda, ıÝrıı Gýrov atyndaǵy №6 gımnazııada jáne Astana qalasynyń kásiptik-tehnıkalyq kolledjinde boldy, dep habarlanǵan elorda ákimdiginiń resmı saıtynda.
Oqýshylar saraıy 2011 jyly jeltoqsanda Qazaqstan Respýblıkasy Prezıdentiniń tapsyrmasymen salyndy. Qazirgi kezde onda 9 myńnan astam balany qamtıtyn 109 úıirme jumys isteıdi. Ádilbek Jaqsybekov mekeme basshysyna úıirmelerdiń jáne sektsııalardyń qoljetimdiligine, balalardyń demalystaryn qyzyqty ótkizýlerine nazar aýdarýdy tapsyrdy, sondaı-aq ata-analardyń balalaryn sektsııalar men úıirmelerge jazý kezinde eshqandaı qıyndyqtarǵa tap bolmaýy tıis ekendigin aıtty. Sondaı-aq Astana ákimi jańa №64 balabaqshada bolyp, arnaıy jabdyqtalǵan medıtsınalyq kabınette ótkiziletin emdeý-ońaltý jáne qalpyna keltirý protsedýralarymen tanysty. Balabaqsha 2012 jyly ashylǵan, qazirgi kezde onda tirek-qımyl apparaty buzylǵan múmkindigi shekteýli 164 bala oqıdy. Mekemede logopedter men defektolog mamandyǵyn meńgergen tárbıeshilermen qosa, pedıatr, fızıoterapevt, ortoped jáne t.b. dárigerler jumys isteıdi. Balabaqshada mýzykalyq jáne sport zaldary, arnaıy trenajer zaly, sensorlyq bólme, kınozal men etnografııalyq murajaı bar. Sonymen qatar Á.Jaqsybekov 2009 jyly salynǵan, qurylys jáne tehnıkalyq mamandardy daıarlaıtyn kásiptik-tehnıkalyq kolledjge jáne ıÝrıı Gýrov atyndaǵy №6 gımnazııaǵa bas suqty. Kóshpeli keńes barysynda Astana ákimi Bilim basqarmasyna bilim mekemeleriniń ınfraqurylymyn jáne bilim berý sapasyn jaqsartý jónindegi máselelerdi nazarda ustaýdy tapsyrdy. Ákim barlyq bilim berý mekemelerinde balalardy tamaqtandyrýdyń sapasyna da nazar aýdardy. Á.Jaqsybekov balabaqshalarda oryndardyń jetispeýshiligi máselesin sheshý úshin memlekettik-jeke menshik áriptestik salasynda jumystardy kúsheıtýdi, sondaı-aq aǵymdaǵy jyly orta mektepterde úsh aýysymda oqýdy boldyrmaýdy, osylaısha, mektepterdiń shamadan tys júktemelenýin joıýdy tapsyrdy.
