Á.Jaqsybekov Almaty kolledjinde granatanyń jarylýy oqıǵasyna baılanysty mektepterde tekserý jumystaryn júrgizýdi tapsyrdy
ASTANA. QazAqparat - Búgin Astana qalasy ákimi Ádilbek Jaqsybekov kezekti apparattyq keńeste qaladaǵy qylmystyq ahýalǵa alańdaýshylyq bildirdi, dep habarlady elorda ákimdiginiń baspasóz qyzmetinen.
- Nazarlaryńyzdy Almaty qalasynda bolǵan (granatanyń jarylýy - QazAqparat) úlken alańdaýshylyq týdyratyn jaıtqa aýdarmaqpyn, - dedi ol.
Osyǵan baılanysty shahar basshysy quqyq qorǵaý organdaryn tarta otyryp, oqýshylardy psıhologııalyq tekserý, mektepterde jáne basqa da bilim berý mekemelerinde tekserý men aldyn alý jumystaryn júrgizýdi tapsyrdy. Esterińizge sala keteıik, 17 qarasha kúni Almatydaǵy sán jáne dızaın kolledjinde áskerı daıyndyq sabaǵynda granata jarylyp, 12 adam japa shekti, bir qyz kóz jumdy.
