Á.Jaqsybekov «Alaý» muz saraıynyń ujymyna jańa dırektordy tanystyrdy (FOTO)

Infraqurylym sapasynyń reıtıngisinde birinshi jáne jyldamdyq reıtıngisi boıynsha álem muz aıdandary ishinde jetinshi oryn alatyn «Alaý» muz saraıy búgingi tańda Qazaqstandaǵy kelýshiler sany eń kóp birden-bir sporttyq nysan bolyp tabylady. Aǵymdaǵy jyly jumys kúnderi de qoljetimdi bolǵan buqaralyq syrǵanaýlar jobasy, jaz maýsymynda ústel tennısine arnalǵan alań, hokkeı korty, fıtnes ortalyǵy, oıyn sporty túrlerine jáne horeografııaǵa arnalǵan jattyǵý zaldary, jaǵajaı voleıboly men shaǵyn fýtbolǵa arnalǵan daladaǵy alańdar, sonymen qatar, tehnıkanyń sońǵy talaptaryna saı jasalǵan tır - tek kásibı sportshylar úshin ǵana emes, sportsúıer qaýym úshin de saraı esigin aıqara ashýǵa múmkindik beredi.

«Saraı bos turmaýy kerek, onyń barlyq múmkindikterin tıimdi paıdalaný qajet. Ol kásibı sportshylar úshin de, barlyq turǵyndar úshin de qoljetimdi bolýy kerek», - degen elorda ákimi, QR Prezıdentiniń sporttyq nysandardy halyq úshin qoljetimdi etý boıynsha tapsyrmasyn oryndaý basty maqsat ekendigin atap ótti. Á.Jaqsybekov oqpen atý, konkı tebý jáne short-trek boıynsha qala quramalarynyń jattyǵýlaryn baqylap, sondaı-aq konkı sporty boıynsha ulttyq qurama úzdikteri Denıs Kýzın jáne Ekaterına Aıdovamen, Qazaqstannyń bas bapkeri Vladımır Saıýtınmen muzdyń jaǵdaıy týraly pikirlesti. Bas bapkerdiń sózinshe, «Alaý» muz aıdyny saraıynda «erteń-aq Olımpıada ótkizýge bolady». Muz aıdynyn aralaý kezinde elorda basshysy «Alaý» muz saraıynyń ujymyna jańa dırektor Saýyrbaı Esjanovty tanystyrdy. «Atameken» Qazaqstan Kartasy» etnomemorıaldy kesheninde 2015 jylǵy maýsym aıaqtaldy, degenmen, keshenge kelýshiler sanyn ulǵaıtýǵa baǵyttalǵan kelesi jylǵa qurǵan úlken josparlary bar. Saıabaq aýmaǵynda yńǵaıly ornalastyrylǵan nysan jaqyn arada, ásirese, EKSPO-2017 qarsańynda elordanyń týrıstik ortalyǵyna aınalýy qajet.