A.Volkov: EQYU bir aımaǵyndaǵy turaqsyz ahýal Eýroatlantıkalyq jáne Eýrazııalyq keńistiktegi qaýipsizdikke áser etedi
ASTANA. QazAqparat - 4-5 jeltoqsan kúnderi Shveıtsarııanyń Bazel qalasynda Eýropadaǵy qaýipsizdik jáne yntymaqtastyq uıymyna (OBSE) qatysýshy memleketterdiń Syrtqy ister mınıstrleriniń 21-shi Keńesi ótti. Oǵan QR Syrtqy ister mınıstriniń orynbasary Alekseı Volkov bastaǵan qazaqstandyq delegatsııa qatysty, dep habarlady QR SІM baspasóz qyzmetinen.
Shveıtsarııa Konfederatsııasynyń Prezıdenti Dıde Býrkhalter tóraǵalyq etken aýqymdy halyqaralyq forým jumysyna EQYU-ǵa múshe 57 qatysýshy memleket ókilderi men Eýropa odaǵynyń Syrtqy ister jáne saıası qaýipsizdik jónindegi joǵarǵy ókili Federıka Mogerını men AQSh Memlekettik hatshysy Djın Kerrı, Reseı Federatsııasynyń Syrtqy ister mınıstri Sergeı Lavrov, 11 seriktes memleket pen BUU, EO, Eýropa Keńesi, AÓSShK syndy uıym ókilderi qatysty. Jıyn Ýkraınadaǵy daǵdarysty jedel túrde retteý jáne Eýropa qaýipsizdigin qamtamasyz etetin perspektıvalar men mańyzdy suraqtar taqyrybyna arnaldy. Plenarlyq májiliste baıandama jasaǵan Qazaqstandyq delegatsııa basshysy A.Volkov EQYU bir aımaǵyndaǵy turaqsyz ahýal Eýroatlantıkalyq jáne Eýrazııalyq keńistiktegi qaýipsizdikke áser etip, 2010 jyly Astana Sammıtinde qabyldanǵan Qarardyń saqtalýyna keri yqpal etetinin aıtty.
