A vırýstyq gepatıtiniń taralýy qaı jyldary joǵarylaıdy
ASTANA. QazAqparat - A vırýstyq gepatıtiniń 5-6 jylda qaıta kóterilýi tirkelip otyrady. Bul týraly «QazAqparattyń» resmı saýalyna QR DSM Qoǵamdyq densaýlyq saqtaý komıtetinen málim etti, dep habarlaıdy QazAqparat.
«Qazaqstan Respýblıkasynda 2017 jyldyń qorytyndysy boıynsha A vırýsty gepatıtiniń 583 jaǵdaıy tirkelgen, 2016 jylmen salystyrǵanda ol 43,5 paıyzǵa joǵary. A vırýstyq gepatıti aýrýshańdyǵyna tsıkldyq epıdprotsess tán, ıaǵnı onyń 5-6 jylda qaıta kóterilýi tirkelip otyrady. Osyndaı kóterilý 2000, 2004, 2007 jyldary bolǵan, al kezekti syrqattanýshylyqtyń joǵarylaýy 2016 jyly bastaldy. Sonymen qatar, onyń bir sebebi halyq arasynda ımmýndalmaǵan toptyń jınaqtalýynda», - delingen vedomstvonyń málimetinde.
Komıtettiń habarlaýynsha, syrqattaný deńgeıiniń respýblıkalyq kórsetkishterden joǵary bolýy Shyǵys Qazaqstan, Qaraǵandy oblystarynda jáne Astana, Almaty qalalarynda baıqalyp otyr.
«Tutastaı alǵanda, elimiz boıynsha A vırýstyq gepatıtiniń qarqyndy tómendeýi baıqalady, ıaǵnı 2000 jyldan bastap 23 256 jaǵdaı, al 2017 jyly aýrýǵa shaldyǵýdyń 583 oqıǵasy tirkeldi. Bul turǵyda 47 ese tómendegenin baıqap otyrmyz», - deıdi Komıtet ókilderi.
