«A» vırýstyq gepatıt aýrýyna shaldyǵý úrdisi tómendep keledi
STANA. Tamyzdyń 19-y. QazAqparat /Rýslan Ǵabbasov/ - «A» vırýstyq gepatıt aýrýyna shaldyǵý úrdisi tómendep keledi. Bul týraly búgin Astanadaǵy Salaýatty ómir saltyn qalyptastyrý ortalyǵynda bolǵan konferentsııa barysynda Astana qalalyq ınfektsııalyq aýrýhanasynyń gepatıt bóliminiń meńgerýshisi Aınagúl Jańbyrshynova aıtty.
«Búginde bul indet boıynsha jaǵdaı problemaly emes, sebebi vırýsty gepatıt emdeý mekemeleri tarapynan baqylanyp otyrady. Atap aıtqanda bul baqylaýda ustaýǵa bolatyn ınfektsııa. Búginde «A» vırýstyq gepatıt aýrýyna shaldyǵý úrdisi tómendep keledi»,-dedi ol.
Dárigerdiń sózine qaraǵanda, búginde qalalyq ınfektsııalyq aýrýhananyń tirkeýinde 65 adam bar. Onyń ishinde 40-y balalar bolsa, qalǵan 25-i eresek adamdar. Ótken jyly atalǵan aýrý boıynsha 80-ge jýyq oqıǵa tirkelse, onyń aldaǵy jyldary kórsetkish budan kópteý bolǵan.
«Aýrý jaz jáne kúz merziminde juǵady. Osy kezeńde jyl saıyn kóbinese bul indetpen jetkinshekter túsedi»,-dedi A. Jańbyrshynova. Osy oraıda ol qaınatylǵan sýdy paıdalaý kerektigi jaıynda, jeke tazalyqty saqtaý, sondaı-aq jemis-jıdekter men kókónisterdi mindetti túrde qaınatylǵan sýmen jýý kerektigin aıtyp ótti.
Taratylǵan málimetke qaraǵanda, aýrýǵa shaldyǵý kóbinese 2-9 jas aralyǵyndaǵy balalar arasynda kezdesedi. «A» vırýstyq gepatıt dertin juqtyrýdyń joǵary kórsetkishi Qyzylorda, Ońtústik Qazaqstan, Jambyl jáne Almaty oblystarynda tirkelýde.
