A. Vınokýrovqa 1 mln. teńgeniń chegi tapsyryldy
ASTANA. 15 qyrkúıek. QazAqparat - Búgin Astanada London Olımpıadasynyń chempıony, qazaqstandyq veloshabandoz Aleksandr Vınokýrovtyń kásibı mansabyn aıaqtaýǵa baılanysty velojarys ótti.
Kásibı veloshabandozdar chempıonnyń esimine oraılastyra «Vıno» dep atalǵan birinshi olımpıadalyq krıterıýmge qatysty. Bul dodaǵa oblystardyń jáne Astana men Almatynyń quramalarynan júzden astam sportshy qatysty.
Olımpıadalyq krıterıým aıaqtalǵannan keıin A.Vınokýrovtyń, elorda ákimdigi, mınıstrlikter men Qazaqstandaǵy sheteldik dıpmıssııalar ókilderiniń, sondaı-aq oǵan qatysýǵa nıet bildirgen azamattarmen birge velojarys ótti.
Shara aıasynda Aqtóbe oblysy ákimdigi A. Vınokýrovtyń Olımpıadadaǵy júldesi úshin 1 mln. teńgeniń chegin tapsyrdy.
