A. Vınokýrov "Týr de Frans" kópkúndiginiń jarys jolynan shyǵyp qaldy
ASTANA. 11 shilde. QazAqparat - «Týr de Frans-2011» kópkúndiginiń 9-shy kezeńinde jarys jolynda qulap qalǵan qazaqstandyq «Astana» klýbynyń kóshbasshysy Aleksandr Vınokýrov velojarystan shyǵýǵa májbúr boldy.
Málimetter boıynsha, Aleksandrdyń jambas súıegi synǵan jáne medıtsına mamandary ony rastap otyr QazAqparat bul týraly sports.kz saıtyna silteme jasap habarlaıdy.
"Sporttyq mansabymen qoshtasqaly otyrǵan Aleksandr Vınokýrovty velosporttan osylaı ketedi dep kim oılapty. Joldyń shetine ushyp ketken ony búkil komanda bolyp áreń shyǵaryp aldy. Osy oqıǵada ıÝrgen Van den Brýk ta zardap shekti, ol da velojarys jolynan shyǵyp qaldy", - delingen saıttyń habarlamasynda. Aıta keteıik, 8-shi kezeńniń nátıjesi boıysha A. Vınokýrov jalpy esepte kósh basyndaǵy sportshydan nebári 32 sekýndqa qalyp qoıyp, 11-shi orynda kele jatqan bolatyn. Al jalpy, mamandardyń pikirinshe, jerlesimiz "Týr de Frans-2011" kópkúndiginde basty júldeden úmitkerler veloshabandozdardyń qatarynda boldy.
Al ázirge «Rabobank» komandasynyń múshesi Lýıs-Leona Sanches, «Europcarlyq» ýomandasynyń ókili Tomas Fekler jáne «FDJ» komandasynyń múshesi Sandı Kasar kirgen kóshbasyndaǵy úshtik 4 mınýt basymdyqpen aldaryna jan salmaı keledi. 9-shy kezeńde máre syzyǵyn birinshi bolyp Lýıs-Leon Sanches kesse, ekinshi bolyp Tomas Fekler keldi. Al úshinshi nátıjeni Sandı Kasar kórsetti. 9-shy kezeńniń qorytyndysy boıynsha bas klassıfıkatsııa aralasyp ketip, alǵashqy oryndarda mamandar kútkennen múlde basqa sportshylar kórinip otyr.
