A. Vınokýrov ózin sotta qorǵamaq
ASTANA. 10 aqpan. QazAqparat - Áıgili veloshabandoz Aleksandr Vınokýrov sottasýǵa daıyndalyp jatyr, dep habarlaıdy alasharena.kz saıty.
Esterińizge sala keteıik, Italııanyń tártip saqshylary Olımpıada chempıonynyń Belgııadaǵy birkúndik jarystaǵy jeńisine kúmánmen qaraǵan bolatyn.
Olar A.Vınokýrov jarys kezinde ony ókshelep kele jatqan reseılik sportshy Aleksandr Kolobnevpen sóz baılasyp, 150 myń eýroǵa jeńisti satyp aldy dep otyr. Al qazaqstandyq shabandoz bolsa, buǵan asa mán bermeıdi. Sportshy óziniń kinásiz ekenin aıtyp, sotta jeńip shyǵatynyna senimdi.
- Jeńisti satyp alý múlde bolǵan emes. Bul ótirik jala jabý. Meniń ar-ojdanyma nuqsan keltirgisi kelgen adamdardyń áreketi. Sot osyny dáleldep beredi, senimdimin. Men jarysta tek taza jeńiske jetip júrdim, - deıdi «Astana» velokomandasynyń menedjeri Aleksandr Vınokýrov.
