A. Vınokýrov bıyl ózi qatysýǵa bel býyp otyrǵan jarystardyń tizimin jarııa etti
ASTANA. Qańtardyń 5-i. QazAqparat - Ótken jyly «Astana» klýbyna oralǵan Qazaqstannyń úzdik veloshabandozy Aleksandr Vınokýrov úshinshi kezeńde alǵash ret qatysýǵa bel býyp otyrǵan jarystardyń tizimin jarııa etti.
Bul aqparatty sport.gazeta.kz saıty taratyp otyr.
Atalǵan saıtta jarııalanǵan málimetterge qaraǵanda, veloshabandoz jyldyń basty básekesi «Djıro d'Italııa» jarysyna deıin aqpannyń 10-14-i aralyǵynda ótetin «Jerorta teńizi týry» kópkúndigine qatysady. Ol buǵan deıin bul kópkúndikke 2001 jyly nemistiń «Doıche Telekom» komandasynyń quramynda qatysqan bolatyn.
A.Vınokýrov budan keıin naýryzdyń 10-16-sy aralyǵynda «Tırreno-Adrıatıko», sáýirdiń 20-23-inde «Djıro del Trentıno» kópkúndikterinde, sáýirdiń 26-synda «Lej-Baston-Lej» jarysynda baq synamaq. Al mamyrdyń 8-20-sy aralyǵynda «Djıro d'Italııa» kópkúndiginde jarys jolyna shyqpaq.
