A. Tájaıaqov pen D. Qadyrbaevtyń isi jeke qaralatyn boldy
ASTANA. QazAqparat - AQSh-ta sotty bolyp jatqan qazaqstandyq stýdentter Azamat Tájaıaqov pen Dıas Qadyrbaevtyń isi jeke qaralatyn boldy. Búgin sot sol aldyn ala tyńdalymdar ótetin ýaqytty da belgiledi, dep habarlaıdy KTK arnasy.
Alǵash bolyp sot aldyna Azamat Tájaıaqov kelmek. Mamyrdyń 30-na belgilengen protseske Azamattyń advokattary saqadaı saı ekenderin jetkizdi. Al ekinshi otandasymyz Dıas Qadyrbaevqa qatysty qozǵalǵan qylmystyq is qyrkúıektiń 8-i kúni qaralmaq. Aıta keteıik, advokattar isti basqa shtatta qaraýdy suraǵan. Degenmen bul ótinishti sýdıa qabyl almady. Bostondaǵy jarylysty uıymdastyrǵan Johar Tsarnaevpen sybaılasyp, aıǵaq zattardyń kózin qurtty dep aıyptalǵan otandastarymyz kináli dep tanylsa 25 jylǵa abaqtyǵa toǵytylýy múmkin. Federaldyq tergeý bıýrosy resmı aıyptaryn aıǵaqtap osyndaı kesimge kelip otyr. Sondaı-aq tergeýshiler abaqtyǵa aıdaǵanymen qoımaı Tájaıaqov pen Qadyrbaevtyń qara bastaryna úlken aıyppul da salmaqshy.
