«A-Stýdıo» jáne Almaty sımfonııalyq orkestri Máskeýde óner kórsetedi
ASTANA. QazAqparat - «A-Stýdıo» toby men Almaty sımfonııalyq orkestri 25 qazanda Symphony'A jobasymen Máskeýdegi Crocus City Hall sahnasynda óner kórsetedi. Bul týraly máskeýlik iri kontsert zaldary biriniń saıtynda habarlanǵan.
Ataqty toptyń belgili hıttary sımfonııalyq orkestrdiń súıemeldeýimen jańasha estiledi. Shyǵarmalardy sımfonııaǵa laıyqtap árlegen kompozıtor, Qazaq KSR eńbek sińirgen óner qaıratkeri, Qazaqstannyń memlekettik saılyǵynyń laýreaty Almas Serkebaev, ol «A-Stýdıo» kóshbasshysy Baıǵalı Serkebaevtyń aǵasy.
Symphony'A baǵdarlamasy alǵash ret Almatyda 2014 jylǵy sáýirde «Dostastyqtyń mádenı astanalary» memleketaralyq baǵdarlamasynda tanystyryldy.
Sondaı-aq Almas Serkebaev kontsertke arnaıy ańyzǵa aınalǵan ujymnyń hıttary áýenimen «Fantazııa» aspaptyq shyǵarmasyn jazdy.
«Bizdiń óner kórsetýimiz Máskeýmen jáne Almatymen shektelip qalmaıdy. Kelesi jyly da biz osyndaı baǵdarlamamen basqa da qalalarda kontsert beremiz, bul jobaǵa jergilikti orkestrlerdi de tartamyz. Bul ádettegiden óte ádemi shoý bolmaq, bizdiń serpindi hıttarymyz múldem jańasha estiletin bolady», dep atap ótti Baıǵalı Serkebaev.
