«A-Stýdıo» toby elordada kontsert beredi
ASTANA. QazAqparat - 7 shilde kúni tanymal «A-Stýdıo» toby Qazaqstan elordasynda «Astana» sımfonııalyq orkestrimen birlesip, kontsert qoıady. Bul jaıynda atalǵan kontsertke qatysatyn «The Jigits» tobynyń ánshisi ári tanymal telejúrgizýshi Batyr Tazabekov Instagram arqyly habarlady.
«Symphony'A» jobasynyń mýzykalyq prodıýseri - Baıǵalı Serkebaev. Toptyń shyǵarmalaryn sımfonııalyq árlegen - Almas Serkebaev. Kontsert qala kúnine oraı uıymdastyrylady.
Esterińizge sala keteıik, bul toptyń sımfonııalyq orkestrmen birlesken alǵashqy jobasy emes. Osy jyldyń sáýir aıynda «Symphony'A» jobasynyń tusaýkeseri aıasynda Almatyda «A-Stýdıo» toby men Marat Bısenǵalıevtiń jetekshiligimen Almaty sımfonııalyq orkestriniń úlken kontserti ótken bolatyn
