A.Stradıvarıdiń 2010 jyly urlanǵan skrıpkasy syǵandardan tabyldy
ASTANA. 6 naýryz. QazAqparat - 2010 jyly Ulybrıtanııanyń London qalasynda urlanǵan A.Stradıvarıdiń skrıpkasy Bolgarııadan tabyldy.
Syǵan qaýymdastyǵyndaǵy qylmystyq top serkeleri ony satyp jibermekshi bolǵan.
Stradıvarı skrıpkasyn qolǵa túsirý úshin arnaıy operatsııa uıymdastyryldy. Bolgarııa polıtseıleri aldymen syǵandarǵa satyp alýshy retinde habarlasyp, «taýardy» 380 myń dollarǵa baǵalaǵan. Osydan keıin shekti aspap tárkilendi. Qazirgi kezde Ulybrıtanııanyń quqyq qorǵaýshylary onyń túpnusqalyǵyn anyqtap jatyr. Bul skrıpkanyń baǵasy 1,8 mln. dollardan asyp jyǵylady.
Osydan úsh jyl buryn London vokzalynda Stradıvarı 1696 jyly jasaǵan, káris skrıpkashysy Mın Chın Kımniń ıeligindegi aspapty urlap ketti. Kóp uzamaı, osy urlyqqa barǵan Djon Moen jáne onyń eki jasóspirim sybaılasy ustaldy. Alaıda mýzykalyq aspap tabylmady. Sol kezde «urylar Stradıvarı skrıpkasyn 100 fýnt sterlıngke (shamamen 22 myń teńge) satpaqshy bolǵan» degen aqparat ta taraǵan bolatyn. 2011 jyly D.Moen 4,5 jylǵa sottaldy. Al skrıpkany búldirmeı qaıtarǵan adamǵa 40 myń fýnt (60 myń dollar) kólemindegi syıaqy taǵaıyndalǵan edi.
