A. Soljenıtsynnyń «GÝLAG arhıpelagy» romany mindetti mektep baǵdarlamasyna endi
ASTANA. Qyrkúıektiń 10-y. QazAqparat - Reseılik joǵary synyp oqýshylary Aleksandr Soljenıtsynnyń «GÝLAG arhıpelagy» romanyn oqıtyn bolǵanyn QazAqparat budan buryn habarlaǵan bolatyn.
Jazýshynyń jesiri Natalıa Soljenıtsyna «GÝLAG arhıpelagy» romanynyń qysqartylǵan nusqasyn baspaǵa daıyndap otyr. ITAR-TASS agenttiginiń habarlaýynsha, jazýshynyń zaıyby qoljazbany Bilim mınıstrligine tapsyrǵan. Endi ony sarapshylar, muǵalimder men ádiskerler oqyp shyǵady.
1973 jyly shetelde basylǵan "GÝLAG arhıpelagy" romany KSRO-da tek 1989 jyly ǵana jaryq kórdi jáne buǵan deıin orta mektepte roman tek beıindik deńgeıde oqytylyp keldi. Endi bul shyǵarma orta bilimniń memlekettik bilim standarttarynyń federaldyq quramyna engizilgennen keıin, romannyń úzindilerin zertteý reseılik barlyq joǵary synyp oqýshylary úshin mindetti bolyp otyr.
