Á.Smaıylov: Qazaqstannyń syrtqy saýda aınalymy 13,5 paıyzǵa ósti
ASTANA. QazAqparat - Qazaqstannyń syrtqy saýda aınalymy 13,5 paıyzǵa ósti. Bul týraly búgin QR Statıstıka agenttiginiń basshysy Álıhan Smaıylov málim etti.
«Qańtar aıynda syrtqy saýda aınalymy 10 mlrd. 575 mln. AQSh dollaryn qurady jáne byltyrǵy jyldyń qańtarymen salystyrǵanda 13,5 paıyzǵa ósti», - dedi ol.
Agenttik basshysynyń aıtýynsha, elimizdiń qańtar aıyndaǵy syrtqy saýda aınalymynyń 7 mlrd. 887 mln. dollaryn eksport, al 2 mlrd. 687 mln. dollaryn ımport qurady.
«Tutyný baǵalarynyń ındeksi bıylǵy jyldyń aqpanynda ótken jyldyń jeltoqsanymen salystyrǵanda 102,6 paıyzdy qurady. Azyq-túlik taýarlarynyń baǵalary 2, azyq-túlik emes taýarlar 2,2, aqyly qyzmetter 2,8 paıyzǵa ósti», - dedi agenttik basshysy.
