Á. Smaıylov azamattardyń bankrottyǵy týraly zań jobasyn 4 aqpanǵa deıin Úkimetke engizýdi tapsyrdy

NUR-SULTAN. QazAqparat - QR Premer-Mınıstri Álıhan Smaıylov «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» Zań jobasyn ázirleý máselesi jóninde keńes ótkizdi.

Bul týraly QazAqparat Úkimettiń resmı saıtyna silteme jasap habarlaıdy.

Zań jobasynda jeke tulǵalardyń bankrottyq rásimderiniń túrleri, olardy qoldaný negizderi jáne basqa da erejeler qarastyrylǵan.

18 zańnamalyq aktige – 7 Kodeks pen 11 Zańǵa túzetý engizý josparlanǵan. Úkimet basshysy Zań jobasyn osy jyldyń 4 aqpanyna deıin Premer-Mınıstrdiń Keńsesine engizýdi tapsyrdy.

«Zań jobasyn talqylaýǵa jurtshylyq pen sarapshylardy tartýdy tapsyramyn», — dedi Á. Smaıylov.