A.Shvartsenegger Kalıfornııada tótenshe jaǵdaı rejımin engizdi
ASTANA. 22 jeltoqsan. QazAqparat - AQSh-tyń Kalıfornııa shtatynyń gýbernatory Arnold Shvartsenegger óńirde tótenshe jaǵdaı rejımin engizdi.
CNN telekompanııasynyń habarlaýynsha, bul shara shtattyń ońtústigindegi birneshe okrýgke qatysty. Keshe Kalıfornııada qalyń qar men nóser jańbyr jaýyp, birqatar aýdandarda sý tasqyny men laı kóshkini oryn aldy, dep habarlaıdy RBK agenttigi.
Los-Anjeles ókimeti qalanyń eki aýdanyndaǵy 230-den astam úıdiń turǵyndaryn jedel kóshirip jatyr. Qazir onda laı kóshý qaýpi saqtalýda. Nóser jaýyn kólik problemalaryn da týǵyzyp otyr: Ońtústik Kalıfornııada 25 myńdaı kólik júrgizýshileri kómek surap, arnaıy qyzmetterge habarlasqan.
Gavaı mańynda túzilgen teńiz daýyldary Soltústik Amerıkanyń batysyna qalyń qar ákelip otyr. Al óńirdiń jazyqtarynda nóser jaýyn bolyp, qatty jel turǵan. Batystaǵy shtattarda sý tasqyny men laı kóshkinderiniń saldarynan biraz joldar jabyldy. Keıbir aýdandarda jeldiń ekpini 240 shaqyrym/saǵatqa jetip otyr. Meteorologtardyń aıtýynsha, Kalıfornııada jaqyn arada aýa raıy jaqsara qoımaıdy. Tabıǵat apatynan ıÝta shtatynyń da qatty zardap shegip otyrǵany aıtylýda.
