A. Shoraev: «Qazaqstan Barysyn» álemde 400 mıllıon kórermen tamashalaıdy
ASTANA. QazAqparat - «Qazaqstan Barysyn» qazaqstandyq jáne sheteldik telearnalar translıatsııalaıdy. Bul týraly búgin ótken baspasóz máslıhatynda QR Qazaq kúresi fedaratsııasynyń prezıdenti Arman Shoraev málim etti.
«Qazaqstan Barysy» týrnırinen habar taratý máselesine toqtalǵan ol: «Qazaqstandyq arnalardan KAZSport translıatsııa jasamaq, al elimizdegi ózge arnalar aqparattyq seriktes bolyp tabylady. Munymen qosa, sheteldik telearnalar arasynda tórtinshi márte reseılik «Boets» arnasy týrnırdi kórsetetin bolady»,-dedi.
Budan bólek, aıtýly dodany kórsetýge Túrkııanyń, Italııanyń, Ýkraınanyń, Grýzııanyń arnalary, sondaı-aq Internet telearnalar qosylady dep kútilýde.
«Jalpy alǵanda telekórermender sany 300-400 mln. adamǵa jetedi dep paıymdap otyrmyz»,-dedi A. Shoraev.
QR Prezıdentiniń júldesi úshin «Qazaqstan Barysy» týrnıriniń aqtyq syny 5 shildede elordadaǵy «Saryarqa» respýblıkalyq velotreginde ótedi. Atap aıtqanda, atalǵan týrnır aıasyndaǵy irikteý tórt kezeńde ótedi. Birinshi kezeńdegi irikteýler aǵymdaǵy sáýir boıy aýyldar men eldi mekenderde, ІІ kezeń - aýdandy, qalalyq 1-15 mamyr aralyǵynda, III kezeń - oblystyq irikteýler 20 mamyrǵa deıin, sondaı-aq sońǵy kezeń aqtyq syn. Aqtyq saıysqa qatysatyn balýandar arasynda 19-23 mamyr aralyǵynda Almaty qalasynda oqý-jattyǵý jıyny ótkiziledi.
